Luka 4:2 - Biblía Axweesantá Hhohho' ar Mungú 2004

² as kuwa iiaraa'ari nee Neetlaangw. Inós i /ayaayinká deeloodá' sleémeerowo. Deeloodá' iwa fák iri qwariít.

Ya/abtór hho' 1977

² kuwa iiara'ari nee Neetlaangw. I /ayaayinká deeloodá' sleémeerowo. Deeloodá' iwa fák iri qwariít.

Luka 4:2 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

1 WAAWITÁ 19:8

Eliya iri tláy iri /ayín, nee ma'aay giri wáh, iri tláy ar /uuruú muruú /aymaadá' deelo mibeeri tsiyáhh tlatla/aangw nee xweeraawo iri hardáh tloomár Mungú.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

TI'INAANGW 24:18

Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

YONA 3:7

Inós afo gari ilahaniís, kaangwí kuwa alki/iiti gixsár Ninewiro tawa kaahi, «Hara'ayár waawutmo nee mukdá' urén baraá waawuti'iimarose, a tí: Hee gaa mingiwa tsaáq, tam makiito'o, laqaá tam daqooroó hikwa, laqaá tam daqooroó bee/aangw. Mindiwa /ayiné', laqaá ma'aay mingiwa wahiyé'.

Matayo 21:18

Matlaatleero looa niwa tleér, Yesu iwa baraá gixsár kay, ina qwariít.

Matayo 4:2

Iri gwaawín deelo mibeeri tsiyáhh, tlaatla/aangw nee xweeraawo, iri qwariít.

Luka 4:3

Neetlaangw iri oó', «Kuúng barqo Garmoó Mungú, tlaa/anoowí i ilawatseek, i muruú /ayma tleehhiti.»

Yohana 4:6

Hhalángw Yakobo i didií dirii'. Yesu iwa slaaqaát aaiiwo, iri dír afaá hhalangwdií iwiít. Qoomaadá' a looár lahhoó'.

DABE 9:18

Naagáy niri yaamií qaát dír geeraá AAKOÓ MUNGÚ, adoodá' aáng naa geerií tleéhh, har afiqoomár deelo mibeeri tsiyáhh xweera nee tlaatla/aango, aga /ayimiika, tam ma'aá naa wáh i kahhiyá', as daanduú tlakweemaahúng kudá' taa tlehhé' dír ilaá AAKOÓ MUNGUHE, kuri buhhtisé'.

DABE 9:25

«Gawaá adoorihe, aníng ana gurúr qaát dír geeraá AAKOÓ MUNGÚ i aleeró, deelo mibeeri tsiyáhh xweera nee tlaatla/aango, asma AAKOÓ MUNGÚ aníng ina báy, ‹Xoororí a hhaamiís.›

DABE 9:9

Qoomár aníng niwa tsa/ám gawaá tlooma, niwa tlaa/eedá' parereehhayen kudá' hara'ayár koomá' ngiwa leéhh dír Mungú, kudá' taa alqadoórí gooín, alqadoodá' AAKOÓ MUNGÚ aa tleéhh nee kuungá', aníng ana gawaá tloomár iwiwiít deelo deeloo mibeeri tsiyáhh xweera nee tlaatla/ango, aga /ayiimiiká tam gár naa wáh i káhh sleeme.

Ebrania 2:18

Asma inósuú kilá' kwaa slahh'eemiís nee kuri iiara'ár. Gawaá adoorihe inós kudá' sleémeero ta iiara'ari gi aleesláy alee/iisaro.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

1 SAMUELI 17:16

Deelo mibeeri tsiyáhh umuúqo matlaatle nee tsiindoowo migusmooduú múk Filisti, geehho' gun aa'áy slaqwaruusér múk Israeli gan /oslaaslín.