Luka 3:3 - Biblía Axweesantá Hhohho' ar Mungú 2004

³ Baraá yaamu sleémeero awa inslaawoó Yordani gina wa hi'iimiít, iri alki/iít iwa kaahi, «Hhu'u'uumé' tundu baatimiisi, as Mungú tlakweemaahúng ngiwa gurtlay.»

Ya/abtór hho' 1977

³ Baraá yaamu sleémeero awa inslaawoó Yordani gina wa hi'iimiít, iri alki/iít iri oó', “Hhu'u'uumé' tundu baatimiisi, as Mungú tlakweemaahúng ngiwa gurtlay.”

Luka 3:3 Iomraidhean Croise

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Luka 1:16

Múk yaariír oo Israeli gu amór Aakoó Munguúíní ki/is.

Luka 1:77

nee kángw ba/ama kuwa dír mukós i xu'utis ar tlakweemaaín kiwa gurtlay

Luka 4:1

Yesu Qeeruú hhoohhoó' oo Munguhe i haats nay Yordanír wa kií/. Kuri huúw nee Qeeruú hhoohhoó' oo Mungú baraá darma deelo mibeeri tsiyáhh,

Yohana 1:28

Kaangwí dír iwa tleehharuút a amór yaamaá Betania, gayuú yaaér Yordani, amoodá' Yohane iwa baatimiisi.

Yohana 3:26

Yohane kuri i daqáy kuri báy, «Intsaahhatusámo, heedá' nee kuúng ti koomá' gayuú Yordaniro, kudá' kuúng taa lamabu'uún, ga/aaweek hamí i múk baatimiis, nee muu sleémeero i amoorós i daqaqáy.»

Tlehhema'aá ya/Abuuse 13:24

Qoomár Yesu niwa hardihiiká, Yohane axweesantá Mungú gaa alki/iít dír múk Israeliwo as tlakweemaaín kiwa hhu'u'un nee kiwa baatimiisi.

Tlehhema'aá ya/Abuuse 19:4

Paulo iri oó', «Yohane ina baatimiís ar baatiísmoó hhu'u'uungw, muu guri ádbabáy as kudá' aluuwós wa hardáh kuwa haratlinti'i, inós an Yesu.»

Tlehhema'aá ya/Abuuse 22:16

Slám mas dóts? Sihhiít tu baatisi, tlakweemaawók ki hamaatli umuú Aako ateeteek.› »