Luka 3:19 - Biblía Axweesantá Hhohho' ar Mungú 2004

¹⁹ Ala geeraharusmo Herode Herodia gana duúx. Herodia a harér hhiyaawós. Yohane Herode guna iigahhaát as tlakweemaadá' nee tlakweemaá hatlá' sleeme awa aa tlehhiít.

Ya/abtór hho' 1977

¹⁹ Waawutmo Herode Herodia gana duúx. Herodia a harér hhiyaawós. Yohana Herode guna iigahhaát as tlakweemaadá' nee tlakweemaá hatlá' sleeme awa aa tlehhiít.

Luka 3:19 Iomraidhean Croise

AXWEESANOÓ SAGALOOA 15:12

Heé múk waaqaqaá' kuwa naanaqi ga slaiiká, sleeme i daqayká amór heé sagalooe.

Matayo 11:2

Yohane kángw tlehhema'aá Kristo aa tleéhh nguwa axaás, baraá doó tseegamór wa ale, eeharuuseerós gari ya/aáw amór Yesu as kuwa yaahasi,

Matayo 14:1

Qoomaadae waawutmo Herode kángw Yesu guri axaás,

Matayo 14:6

Ala deeloodá' ur ar Herode kuwa laqwaál niwa xeér, baalaadae dasír Herodia ina dír geeraá múk wa nét, nee Herode guri qwal/atís.

Luka 3:1

Kurkú mibaá nee kooán iimír Tiberio tawa waawutmoó múk Roma, qoomár Pontio Pilato tawa ga/aawusmoó yaamaá Yudea, Herode tawa geeraharusmoó yaamaá Galilaya, hhiyaawós Filipo tawa geeraharusmoó yaamaá Iturea nee yaamaá Trakoniti, qoomár Lisania tawa Geeraharusmoó yaamaá Abilene,

Luka 3:18

Gawaá adoorihe ar gurbu'úngw yaariír oo hatlae Yohane Ya/abtór hho' gari alki/iít dír muu.