Luka 3:11 - Biblía Axweesantá Hhohho' ar Mungú 2004

¹¹ Giri báy, «Heé tlabaá tsár gi koóm, kudá' tlawuú koomaaká ngu qay, nee heé muruú /aymár koóm sleeme kudá' gu koomaaká ngu qay.»

Ya/abtór hho' 1977

¹¹ Giri báy, “Heé tlabaá tsár gi koóm, kudá' tlawuú koomaaká ngu qay, nee heé muruú /aymár koóm sleeme kudá' gu koomaaká ngu qay.”

Luka 3:11 Iomraidhean Croise

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 18:22

Qoomár Yesu tí ngiwa axaás, guri báy, «Tam hamí gár wák uga wa /aaruúr. Muruudá' ta koon sleémeero weeriseek, nee peésaadá' ta sleer ka narkuutér i qasmís. Daqaari'iimarók a gawaá doorí eér. Daqaní ni hardát, aníng i eehát.»

Luka 19:8

Sakayo iri sihhiít guri báy, «Qaytsiít Aáko, tlaqtá daqaari'iimar'eé' a haniís dír narkuute, nee gár hee ar naa hara/uuntsiím bir deer, a ki/ís sagaáwa tsiyáhh wa ale.»

Yohana 13:29

Eeharuuse bahh'alé geera ngi xu', Yesu Yuda guna báy, «Muruudá' ta sla'aan as deelór ur tlaxwang,» laqaá liitlakuuse ngiwa gaárí haniisi, asma Yuda tawa heé tlakoó peésár amohhe'eemaamiís.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 10:31

iri báy, ‹Kornelío, firoorók kaa axaás nee ilahhooarók Mungú ga gunqareesiiká.

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.

Yakobo 2:14

Hhaee'eé', hee bir kaahi, «Aníng a haratlintaaór koóm,» ala barnaxes tlehhema'aá haratlintaaór laqaaqaamá' gi konká, haratlintaaoodá' gár i bu' a milá? Xáy, haratlintaaoodá' gu ba/amísa?

1 Yohana 3:17

Ala heé muruú baraaká' yaamu gu koóm, bar hhiyaawós oo gár koomaaká gun tawó ga/áy, ala gu alee/iimisiiká, xáy sla'aarír Mungú iqo deéro baraá heé adoorihe?

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.