Luka 3:1 - Biblía Axweesantá Hhohho' ar Mungú 2004

¹ Kurkú mibaá nee kooán iimír Tiberio tawa waawutmoó múk Roma, qoomár Pontio Pilato tawa ga/aawusmoó yaamaá Yudea, Herode tawa geeraharusmoó yaamaá Galilaya, hhiyaawós Filipo tawa geeraharusmoó yaamaá Iturea nee yaamaá Trakoniti, qoomár Lisania tawa Geeraharusmoó yaamaá Abilene,

Ya/abtór hho' 1977

¹ Kurkú mibá nee kooán iimír Tiberio tawa waawutmoó múk Rumi, qoomár Pontio Pilato tawa ga/aawusmoó waawutmoó múk Rumi oo baraá yaamaá Yudea, Herode tawa waawutmoó yaamaá Galilaya, hhiyaawós Filipo tawa waawutmoó yaamaá Iturea nee yaamaá Trakoniti, qoomár Lisinia tawa waawutmoó yaamaá Abilene,

Luka 3:1 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

Matayo 14:1

Qoomaadae waawutmo Herode kángw Yesu guri axaás,

Matayo 14:3

Asma aáng Herode Yohane guna óh guri tseék, guri dahaás baraá doó tseegamo as Herodia, harér Filipo hhiyoó Herode.

Matayo 14:6

Ala deeloodá' ur ar Herode kuwa laqwaál niwa xeér, baalaadae dasír Herodia ina dír geeraá múk wa nét, nee Herode guri qwal/atís.

Matayo 22:17

Tí atén i ooang, xáy, ka ga/eer, a hariímáro waawutmoó múk Roma kuwa koódír i haniisaan, laqaá aasla'áy?»

Matayo 27:2

Yesu kuri tseék, kuri huúw ay amór Pilato, ga/aawusmoó taa qaás nee múk Roma.

Marko 6:17

Asma Herode muu guna ya/aáw, Yohane kuri óh, kuri tseék. Gár adoorí ngisa tleéhh a as Herodia, harér Filipo hhiyoó Herode, tidá' Herode aa duúx.

Marko 6:21

Herodia deelór pa/aangw nguwa sleér, an deeloodá' ur ar xwaylár Herode kawa inslaslay. Baldae Herode múk yaariír guna dír do'ós i dahi'ís, waawituú baraá gixsadár ayaawós nee múk urén oo askaári, nee múk urén oo yaamaá Galilaya.

Luka 13:31

Siiwadár kilae Yesu kuri i daqáy nee múk Farisayo, kuri báy, «Quútl diirihe, asma Herode i kuúng gaasár wa slaa'.»

Luka 2:1

Qoomaadae waawutmoó múk Roma, kudá' ta bay Augusto, hara'aya gana oó' umér múk baraá yaamu sleémeero kawa gooin.

Luka 23:24

Pilato Yesu guri sakwasleemuút ar adoodá' inooín ta slai.

Luka 3:19

Ala geeraharusmo Herode Herodia gana duúx. Herodia a harér hhiyaawós. Yohane Herode guna iigahhaát as tlakweemaadá' nee tlakweemaá hatlá' sleeme awa aa tlehhiít.

Luka 9:7

Geeraharusmo Herode kangwdá' sleémeero aa tleehharuut nguwa axaás, iri amoqwaár. Asma múk yaariír ta kaahi, «Yohane naa baraá gwa'arár wa waasleé/.»

Tlehhema'aá ya/Abuuse 23:26

«Anuú Klaudio Lisia barwaárí ngi amoorók i gooiím, kuúng Ga/aawusmoó xiríf, Felísi, Laawaay.

Tlehhema'aá ya/Abuuse 24:27

Kureeraá tsár niwa waarahhiyé', Porkio Festo waawuti'iima gana kitángw Felísí wa óh. Felíki Paulo guri geexáy baraá tseegamo, as múk Yahudi nguwa ilaá hhó' i tleehhi.

Tlehhema'aá ya/Abuuse 26:30

Waawutmo nee ga/aawusmo nee Bernike nee mukdá' aa didií iwiit tari sihhiít.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.