Luka 24:51 - Biblía Axweesantá Hhohho' ar Mungú 2004

⁵¹ Qoomár inós ngiwa tsuuqun, tiri paraátl dir'ine, kurira tláy gawaá doori.

Ya/abtór hho' 1977

⁵¹ Qoomár inós ngiwa tsuuqun, tiri paraátl dir'ine, kurira tláy gawaá doorí alé.

Luka 24:51 Iomraidhean Croise

2 WAAWITÁ 2:11

Qoomár tawa hi'iimiti nee tawa axweesi ila nee tí gaárír asla nee faraásír asla Eliya nee Elisha giri parátl, Eliya kuri ar tláy gawaá doori ar fur'ár bambaao.

Marko 16:19

Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

Luka 24:50

Yesu eeharuuseerós gay geerahaár ay Betania, dabaawós gay tleés, inooín giri tsuúq.

Luka 24:52

Inooín kuri i tumbarara'aát, tari kií/ ay Yerusalemu ar qwal/uú úr.

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Tlehhema'aá ya/Abuuse 1:9

Axweesanaywí ooaro nguwa hhe'eés, qoomár inooín kuwa ga/ay, inós kurir gáwtí tláy, huunki guri ilaaót dír ilaaín wa ale.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.