Luka 24:5 - Biblía Axweesantá Hhohho' ar Mungú 2004

⁵ /Ameenadaádá' iri ló'wa da'ayút, sager'ín kari xupu'uús yaamií alé. Mukdaádá' gari báy, «Heé slaáf gár kus leelehhita' didár múk aa qaátl wa ale.

Ya/abtór hho' 1977

⁵ /Ameenadaádá' iri da'ayút ló'wa ale, sager'ín kari xupu'uús yaamí alé. Mukdaádá' gari báy, “Heé slaáf gár kus leelehhita' didár múk aa qaátl wa ale.

Luka 24:5 Iomraidhean Croise

DANIELI 10:16

Naagáy, slaqsayko wák una ár oo adór hee, slufoeé' gina kwatiít, aníng nay ilawaáts, heedaádá' aa sihhiit bihhaeé' nguri báw, ‹Aá Aáko, iigu'utuwí iga ló'wa slahh'eés tam án nay bus'umiít.

DANIELI 10:19

Iri báy, ‹Aá heé ta ló'wa sla'aa'an nee Mungú, ma da'ayumiitaar, waydar iwiwiteek, migís nee muunahhe'eés!› Qoomár iwa amor'eénií axweesi, aníng /uuru nguri sláw, aníng nguri báw, ‹Aá Aáko, aníng iga /uurií qás, tidá' ta ooár wa sla' ooang.›

Luka 1:29

Inós iri ló'wa amooqwát asma /aymi'iidá', iri baraá muunaáwós i ó', «Laawaaywí a laawoó adoomá?»

Luka 24:4

Tari amoqwaqwadín as tidá' taa ár. Naxés múk tsár aa dír bihhaaín i sihhiít oo tlabaá miirii/á' gaa tsiit.

Luka 24:6

Diirihe i kaahh, aa waasleé/. Inslawaagáy tidá' inós aa káh qoomár iwa baraá yaamaá Galilayár i kahhi, iwa káh,

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

Ebrania 7:8

Na/aá Laáwi inooín i ilahhooár ohiná' ar gár wák baraá umuúqo muruú mibaango. Ala tam adoorihe inooín a múk qaátl. Ala Melkisedeki inós a heé ta lamabu'un nee Gooi iwa kat inós tam hamí i slaaf.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 2:8

«Kaangwí gooiimeek amór malaykamooduú múk kríshaanáy oo baraá Smirnár i dirií', «Axweesantí dír i dahh a dír kuduú geera nee oo alhhe'eesaay. Inós geeraawo ina gwaá' ala iri slaáf.