Luka 24:44 - Biblía Axweesantá Hhohho' ar Mungú 2004

⁴⁴ Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Ya/abtór hho' 1977

⁴⁴ Aluuwo Yesu giri báy, “Kaangwí a kudá' naa káh qoomár niwa dinkwár i dirii' nee kuungá', ar gídaabá tidá' sleémeero taa gooín daanduueén i alé, baraá hara'ayár Musawo, nee baraá gooír aaruuse, nee baraá Wara'amto, gár iwa hariin aqo in bó/ sleémeero.”

Luka 24:44 Iomraidhean Croise

IIMU/UUNGW 14:18

Melkisedeki waawutmoó gixsár Salemu mikaáte nee difaái ngina huúw. Inós a kaahamusmoó Munguú Gáwtí dirií'.

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

WARA'AMI 118:22

Tlaa/ár qwatsiiruuse aa sí', aa tlaa/ár ur tleehhít ar do' ir gawduy.

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 52:13

Ga/aawaak, sagadiyusmooeé' i daqaari'iit ku iia tleerees nee kuri gáwtí tlees nee ilaiwa/amér ur ga sláy.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 33:14

AAKOÓ MUNGÚ i kaahi, «Baala i hardát ar aníng al'axweesante'eé' tidá' naa oó' dír múk Israeliwo nee múk Yuda ngiwa boo/ees.

ESEKIELI 17:22

Aakoó MUNGÚ i kaahi, «Anuú kilá' dír niina gawaá tsitsinír sahhtiro a taataáhh, eeít halmír dutlutluu/ gawaá haleemaawós kudá' gawto, ngiri haátl gawaá tloomár tleer.

ESEKIELI 34:23

Aníng de'eemusmoó wák un qaás as ngiwa de'en, waawutmoó adór sagadiyusmooeé' Daudi un qaás. Inós gin /aymiis nee tari de'eemusmooín.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

SEKARIA 14:4

Nee baalaadár kilae AAKOÓ MUNGÚ in sihhiit gawaá tloomár seituúni tidár Yerusalemuro bihhaá da/ií dirii', nee tloomár seituúni iri tla/aa feehhít, tlapár yaariir niri baraá tla/angwdá' wa ti'ít, iimír da/aáw wa tleemu ay /uwa, tlaqtá tloomaadá' ar wák iri /íkwí tleér nee ar hatlá iri báskwí tleér.

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

FAARO 21:8

Naagáy AAKOÓ MUNGÚ Mose guri bay, «Dayshamoó muqslír sirdaa/aat tleehheek, ku qás gawaá ságw xa'anoó tlerantleér. Umuúqo heé taa kiíhh nee dayshamo, nee dayshamoduú muqslír sirdaa/aat nguri i qaytsiít, in hhooáy.»

FAARO 35:25

Bariise heedaádá' gun tú/ gawaá dabaá heedaádá' li/oó bu'utuú wa sla'a, kuduú guruú doó heé taa gaás, nee heé aáng kuri ki/is baraá gixsaadár guwaay, too aáng aa i goów. Baraadá' gin wa hoot ay dír kaahamusmoó Mungú i gwaai kudá' qoomaadae taa tsawaár, kuri iimbalaax ar di/tá hhohho'.

Matayo 1:22

Tí sleémeero ina tleehharút, as tidá' Aako aa oó' ar loohír aarusmo iwa bo/, iwa kaahi,

Matayo 16:21

Iimír qoomaadae Yesu eeharuuseerós gari iimu/ún xu'utimisuuwo iwa kaahi, «Aníng gár tiwa hariím an Yerusalemúr káw, nee slahh'eemisuú yaariír nguri sláw dír bariisér wa ale, nee dír kaahamuusér uren ar Mungú nee dír intsaahhatuusér hara'ayár Mose, nee tiri gaas. Ala bál tame niri waasleé/.»

Matayo 26:54

Ala án adoorí bara tleéhh, adór Gooi ir bo/ a adoomá, tí kah muruuwí gár kuwa hariím aqo in tleehharuut.»

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Marko 9:31

asma inós i eeharuuseerós intsaahhatimis. Gana báy, «Garmoó Hee ku qaás baraá dabaá muu, inooín kway gaas. Bar gaasaro kwa hhe'eés, deelo tám bira waaráhh i waaslee/.»

Luka 21:22

As deeloorí tawa deelór li/aay, as tidá' taa gooín sleémeero iwa bo/.

Luka 22:37

Asma án a kah, gooirí aqo in bó/ dir'eene, tidá' kah, ‹Kuna harafaár dinkwa nee tlakuuse.› Tidá' taa gooín gawaaeé' alé aa naká/ boo/eesaro.»

Luka 24:46

Giri báy, «Tí a tidá' taa gooín tawa kaahi, ‹Kristo gár kuwa hariím aqo kun slahh'eemiis, nee bál tame nay waaslee/.›

Luka 9:22

Iri oó', «Garmoó Hee gár kuwa hariím a slahh'eemisuú yaariír ngun sláy, nee kun siasii' nee bariise, nee kaahamuusér uren ar Mungú, nee intsaahhatuusér hara'ayár Mose, nee kuri gaas, bál tame nay waaslee/.»

Luka 9:44

«Axweesantí ooha hhe'eesaak baraá iaahunge, ‹Garmoó Hee ku gawaá dabaá múkwí qaas.› »

Yohana 3:14

«Adoodá' Mose dayshamo ngura gáwtí tleés baraá xaanxáy wa ale, tam Garmoó Hee gár kuwa hariím kun adoodár gáwtí tlees.

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Yohana 5:46

Asma kuungá' geera Mose bura haratlintié', aníng sleeme geera iga haratlintié'. Asma inós kángw daanduueé' guna gooín.

Tlehhema'aá ya/Abuuse 13:33

Mungú al'axweesantós ngaa diréní boo/eés, ateéká' na/ii'ín. Adór ngira boo/eés a Yesu guna waasle/atís, adoodá' kara gooín baraá Wara'amtá tsare, ‹Kuúng a Garmaaeé', án kuúng laarí una laqwaál.›

Tlehhema'aá ya/Abuuse 13:40

Ti harmagahhe', axweesantadá' aaruuse aa kát miwa dirhúng i bó/, tidá' iwa ó',

Tlehhema'aá ya/Abuuse 2:27

Asma kuúng qeeruueé' u baraá gi'ií meeraaká, laqaá Heewók oo hhoohhoó' u meeraaká iwa hhitiruuti.

Tlehhema'aá ya/Abuuse 3:18

Ar tlehhmuuwihe Mungú adoodá' aa geerií axweés ar loohír aaruuseerós sleémeero, tidá' iwa káh, Kristowós gár kuwa hariím a kun slahh'eemiís.

Tlehhema'aá ya/Abuuse 7:37

Mosewí an kudá' múk Israeli gwa bay, ‹Aakoó Munguúhúng aarusmoó adór aníng ngu sláy baraá tla/ángw hhaeehúng wa ale, inós iiárií qaasaak.›

Ebrania 10:1

Hara'ayár Mose a geehhaantamoó tawo oo muruudá' hhó' oo hardáh, ala a muruudá' oo kil'eeká. Asma hikwaá ilahhooa kin adoodár tsu/aa/ín umuúqo kurko. Ala gawaá loohír adoorihe hara'ayár Mose muu boo/eesaro gu aleesleeraaká, kudá' ilahhooadá' ga hanmamiís.

Ebrania 3:5

Mose a sagadiyusmoó inkihhím baraá doó Mungú sleémeerowo. Inós muruudá' Mungú i aluú wa alki/iiti guna lamabu'ún.

Ebrania 7:1

Melkisedeki a waawutmoó Salemu. Slám inós a kaahamusmoó Munguúdá' gáwtí dirií'. Melkisedeki Abrahamu guna al'áy qoomaadá' Abrahamu iwa slaqwarár dahhi, waawitá nguwa tsuú/. Abrahamu kuri tsuúq nee Melkisedeki.

Ebrania 9:8

Gawaá adoorihe Qeeruú hhoohhoó' oo Mungú ga laqaaqán adór loohír tar dahi baraá matla/angwduú tsár oo heéma, oo ta babay Didá' ak Hhoohhoo' kara gweeriiká, asma ay hamí matla/angwduú geera oo heéma i kumiit.

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.