Luka 24:32 - Biblía Axweesantá Hhohho' ar Mungú 2004

³² Tiri kilooín yaahamisiyé' tari káh, «Ahaá, muneerén kaa kwatimiítiíke, qoomár loohiro iwa amoorén i axweesi, nee Gooi ngiwa xu'utimiisi?»

Ya/abtór hho' 1977

³² Tiri kilooín yaahamisiyé' tari káh, “Ahaá, muneerén kaa kwatimiítiíke, qoomár loohiro iwa amoorén i axweesi, nee Gooi ngiwa geehhoutmisi?”

Luka 24:32 Iomraidhean Croise

WARA'AMI 104:34

Munguúeé' ku qwal/asi nee inslaway'eé'. Asma qwal/amaayer'eé' sleémeero amór i dahh a amór AAKOÓ MUNGÚ.

WARA'AMI 39:3

Ana daawimiít muunaáeé' iri slahhaá'. Adoorí ngiwa aldakuut gurhaami ina ak albúhh. Naagáy afkwe'eene niri axweés, niri oó',

AXWEESANOÓ SAGALOOA 27:17

Adoodá' muqsli kar muqslír hatlá' ar duuqi An adór hee sleeme heé hatlá' ngur intsaahhatisi.

AXWEESANOÓ SAGALOOA 27:9

Di/i nee mooyaangw muuná ngun qwal/atisiyá' An adór tsuaarír mulqi'iimár ló' ar baraá muunuú heé daahh.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 23:29

Anuú AAKOÓ MUNGÚ a kah, ‹Axweesante'eé' a adór asla, a adór yuúnduú tlaa/e tsu/uta.›

Marko 4:34

Umuú gár aa dir'ín i axweesi, gana axweés ar slaqsi'i, ala dír eeharuuseerose qoomár tawa kilooín sleémeero gana gwa/atís.

Luka 24:45

Yesu sager'ín gari gwa/atís as Gooi kawa tsaahhi.

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.