Luka 24:19 - Biblía Axweesantá Hhohho' ar Mungú 2004

¹⁹ Giri yaahaás, «Ahaá, a muruú adoomá oo aa tleehharuut?» Kuri báy, «Kángw Yesú Nasareti. Inós a aarusmo. Inós i aleesleemuú kón baraá tlehhemi'iiwo nee baraá axweesanto, dír geeraá Munguhe, nee dír muu sleémeerowo.

Ya/abtór hho' 1977

¹⁹ Giri yaahaás, “Ahaá, a muruú adoomá oo aa tleehharuut?” Kuri báy, “Iidíguú Yesú Nasareti. Inós a aarusmo. Inós i aleesleemuú kón baraá tlehhemi'iiwo nee baraá axweesanto, dír geerá Munguhe, nee dír muu sleémeerowo.

Luka 24:19 Iomraidhean Croise

Matayo 21:11

Boo/aydá' Yesu gwa eehar iri oó', «Heewí a aarusmo Yesu, oo baraá Nasaretír Galilayár daáhh.»

Marko 1:24

Yesu guri báy, «Atén nee kuúng a milá, Yesú Nasareti? Ahaá, nina hardáti as atén tiwa qwaares? Án kuúng u xuú' adór tar heemá, Kudá' Hhoohhoó' oo Mungú.»

Luka 24:18

Kooko wák baraá tla/angw'ine, ta bay Kleopa, ina ilawaáts amór Yesu, iri oó', «Ahaá kuúng kilók a dahaaymoówo baraá Yerusalemuwo, tam muruudá' sleémeero aa baraadá' wa tleehharuumiit deeloorihe, kuwa xu'uká?»

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 4:19

/Ameenidá' guri beér, «Aáko, án kuúng ugwa tsaáhh adór kuúng tar aarusmo.

Yohana 6:14

Nee muu waa/oo/amoodá' Yesu aa tleéhh ngiwa ár, tari oó', «Aarusmoodá' ni baraá yaamií hardáh a kwí tsuwá alé.»

Yohana 7:52

Inooín tari oó', «Kuúng sleeme kár amór ni dahh a Galiláyáro? Áx leelehheek baraá Gooiro aarusmoó Galiláyár wa ti'iít i deéro?» [

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Tlehhema'aá ya/Abuuse 7:22

Mose kuri intsaahhatimís sagalooár múk Misri sleémeerowo. Tari heé ilakaahaár baraá axweesanto nee baraá tlehhemi'iwo.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.