Luka 23:5 - Biblía Axweesantá Hhohho' ar Mungú 2004

⁵ Inooín tari ló'wa buúhh axweesanto, ta kaahi, «Inós i tlaahhír qamín dír muko ar intsaahhatimisuuwós, iimír Galilaya ay Yudea sleémeero tam ay amoorí.»

Ya/abtór hho' 1977

⁵ Inooín tari ló'wa buúhh axweesanto, ta kaahi, “Inós i tlaahhír qamín dír muko ar intsaahhatimisuuwós, iimír Galilaya ay Yudea sleémeero ay amoorí.”

Luka 23:5 Iomraidhean Croise

WARA'AMI 22:16

Boohhár wakuuse iga harwét adór seeaawe, ya'aaeé' nee daba' kaa fooxamiís.

WARA'AMI 57:4

Aníng taa harweér nee wakuusér adór direeri, kudá' múk /aa/ayá'. Sihhinaín a adór lawlu nee maheeri, tsifreeri'ín a adór tsatoó xaraásl.

WARA'AMI 69:4

Múk aníng i tawo ahhiít ku yaariír tam se'éngw sagw'eé' ba/a. Múk aníng i gaasár wa slaá' i ló'wa /uuruú kón, kudá' aníng i hara/uuntsimá' ar lama. «Gár naa fiisiikahe gár ni buu'?»

Matayo 11:1

Yesu eeharuuseerós tidá' mibaá nee tsár hara'ayaaro ngiwa hhe'eés, iri tláy didae, iri intsaahhatimisuú áy, Ya/abtór hho' gari alki/iít baraá gixsaduuín wa ale.

Matayo 2:1

Yesu kuna laqwaál baraá gixsár Betilehemu ar baraá yaamaá Yudea, qoomár waawutmo tawa Herode. Qoomaadae xu'utuuserka ar tsatse/ nina da/aáw wa tleér ay Yerusalemu.

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Marko 1:14

Tam alaá Yohane kuwa tseék, Yesu iri Galilayár káy, Ya/abtór hho' ar Mungú gari alki/iít,

Luka 11:53

Qoomár Yesu iwa ti'iít, intsaahhatuusér hara'ayár Mose nee múk Farisayo kuri i haratláy as kuwa yaahamiisi nee kuwa /amatseegi ar yaahamisuú yaariír,

Luka 23:23

Ala tana tseeamín ar afór ló'wa ur ta kaahi, «Kikiieek!» Afor'ín tidá' iri baaliín.

Luka 23:6

Pilato adoodá' ngiwa axaás iri oó', «Heewí a heé yaamaá Galilayáro?»

Yohana 1:43

Looitleérose Yesu iwa Galilayár keemuú wa slai, Filipo guri ár. Yesu guri báy, «Aníng eeharáng.»

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Yohana 7:41

Bahh'alé tari oó', «Heewí a Kristo.» Ala bahh'alé tari oó' sleeme, «Ahaá, Kristo i Galiláyár dáhhi?

Yohana 7:52

Inooín tari oó', «Kuúng sleeme kár amór ni dahh a Galiláyáro? Áx leelehheek baraá Gooiro aarusmoó Galiláyár wa ti'iít i deéro?» [

Tlehhema'aá ya/Abuuse 10:37

Muruudá' sleémeero aa tleehharuut baraá yaamaá Yudea sleémeero kuungá' u xuá'. Ina iimu/ún baraá yaamaá Galilayár wa ale, alaá baatiismooduú Yohane aa alki/iít.

Tlehhema'aá ya/Abuuse 23:10

Gila niwa tlahhiyé', geeraharusmoó úr oo askaári ina da'ayuút Paulo kuwa feehhamiisi. Gawaá adoorihe askaári gari ya/aáw, kuri hingeés ar /uuru dabaaín wa ale, kuri huúw baraá boóma.

Tlehhema'aá ya/Abuuse 5:33

Inooín adoorí kawa axaás, mune giri farkiín, kiri tsu/utár wa slaá'.

Tlehhema'aá ya/Abuuse 7:54

Qoomár axweesanaywí kuwa axaás, muner'ín kari slahh'eemiís, Stefano kuri /atlií tlu'ún.

Tlehhema'aá ya/Abuuse 7:57

Ala inooín tari tsimahhuús ar afór ur. Iiaaín kiri tuuntuúk. Stefano kuri i haratláy sleémeero ar muunuú wák.