Luka 23:35 - Biblía Axweesantá Hhohho' ar Mungú 2004

³⁵ Nee muu i didá' wa sihhimiit as tidá' tleehharuumiit ngiwa ga/ay. Mukdá' urén Yesu guri niqimís ta kaahi, «Muu guna ba/amiimís, inós ti kilós ba/amisi, inós bar Krístó Munguhe, kudá' taa tsawaár nee Mungú.»

Ya/abtór hho' 1977

³⁵ Nee muu i didá' wa sihhimiit as tidá' tleehharuumiit ngiwa ga/ay. Mukdá' urén Yesu guri niqimís ta kaahi, “Muu guna ba/amiimís, nee inós ti kilós ba/amisi, inós bar Krístó Munguhe, kudá' taa tsawaár nee Mungú.”

Luka 23:35 Iomraidhean Croise

WARA'AMI 22:17

Ana beehhuút fadu kiri fát, wakuuse i ilií duxuún, i kaantiín.

WARA'AMI 35:15

Qoomár aníng niwa slahhahhaá' inooín tana qwalaá/, tari burumburiít as tiwa niqin, múk ni xuaaká án i muux, tam heé gi har'ohiím i kaahh.

WARA'AMI 4:2

Kuungaá muu, ay xaylá umuueé' ku tli/imamisa'? Ay xaylá axweesanoó tawo kuwa sla'a' nee lameemo kiwa eeharahada'?

WARA'AMI 69:26

Asma heedaadá' kuúng taa múx inooín ngun slahh'eemisiyá', kudá' kuúng taa inkahhi'ií qás, inooín ngun inkaahhamiisiyá'.

WARA'AMI 71:11

Ta kaahi, «Mungú gwa geexáy, eeharaak, oohaak, asma heé gu tuú/ i kaahh.»

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

WA/AA/I 3:14

Án a adór gár waaniqaay dír muu sleémeerowo, tlatla/aangw sleémeero aníng in kooyiná' ar daa'aangw.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 12:18

«Ga/aaweek, sagadiyusmooeé' kudá' naa tsawaár a sla'aarusmooeé' kudá' muunaáeé' gwa qwal/atis. Qeeruueé' u dirós i haniís. Inós kwasleemár ganaa' ga alki/iit dír xoordu sleémeero.

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 23:13

Pilato kaahamuusér uren ar Mungú nee geeraharuuseero nee muko giri burumbuúr,

Luka 23:39

Nee oo wák baraá tlakuuseedae Yesu gway /ooslín, iri káh, «Kuúng a Kristówoóke? Ti kilók ba/amis, nee atene!»

1 Petro 2:4

Qwalaasé' amoorós, inós a tlaa/adá' slaaf, tidá' taa sií' nee muu, ala dír geeraá Munguhe a tlaa/adá' taa tsawaár, tidá' afhhamít.