Luka 23:31 - Biblía Axweesantá Hhohho' ar Mungú 2004

³¹ Asma bar muruuwí kuna tleéhh dír xa'anoó naá/ i alé, xáy, dír xa'anoó kaahaare gár ta may?»

Ya/abtór hho' 1977

³¹ Asma muruuwí burkuna tleéhh dír xa'anoó naá/ i alé, xáy, dír xa'anoó kaahaare gár ta may?”

Luka 23:31 Iomraidhean Croise

AXWEESANOÓ SAGALOOA 11:31

Bar heé hotaawós ganaa'á' bu'utu gun sláy baraá yaamú wa alé, áx alók a adoomá dír heé tlakweemaá tlehhaahhiita nee aa dee/anuuti.

YEREMIA 25:29

Qaytsiít, aníng amotlakwe ngin huúw baraá gixsar'eé'. Xáy, ka xua' muxtaro a /uurá'a? Kuungá' muxtaaro tundu mayká, asma slaqwara ngaa tleés ar múk yaariír kuwa tsu/i gawaá daanduú yaamuwo.› Anuú AAKOÓ MUNGÚ Aleesleemusmo tí ngina oó'.»

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Luka 23:30

Nee qoomaadae muu tlom'i gi bay, ‹Atén ti i hue',› nee dindirma' kay bay, ‹Atén ti tuntuke'.›

Luka 23:32

Yesu nee múk hatlá' tsár oo tlakuuse kiri alhuúw, as kiwa kiki'in.

Yohana 15:6

Heé baraaeé' wa kumiitaaká hotaango, kun tsee/aá i kwaahh, adoodár halmi kar tsee/ií kwaakwahhi, iri kát. Muu haleemiidá' giri sleemiis, kiri kwaahh baraá asla, as asla ngiwa /ak.

Ebrania 6:8

Ala yaamuudá' gár naa laqwaliyé' bar laqaya' nee fuquráy, gár i buiya' i káhh. Yaamaá adoorí kaa nak/aás lu'usaro nee Mungú. Alhhe'eesaywo ki daa/ ar asla.

Yuda 1:12

A múk hhitár huwahuúw baraá dinku'uumarhúng tidár muruú /aymár sla'aariro. Tan al /ayín nee kuungá' ar mure wasle. Inooín kilooín tin xuiyá'. Inooín a adór huunkoó tar hi'iimiiti nee fur'a, ala i tluwoó konká. Slám inooín a adór xaa'aá mamaá kooma'aaká qoomár hariímár mamaá xaaiwo, kudá' taa dee/aruú al tuú/, nee niri kahiyé' niri slupuutiyé'.