Luka 23:2 - Biblía Axweesantá Hhohho' ar Mungú 2004

² Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Ya/abtór hho' 1977

² Kuri sakwasleemuút ta kaahi, “Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Rumi, slám i kaahi, ‘Aníng a Kristo, waawutmo.’”

Luka 23:2 Iomraidhean Croise

1 WAAWITÁ 18:17

Ahabu Eliya nguwa ár iri oó', «A kuúnge, heé múk Israeli gwa slahh'amuúr faak?»

WARA'AMI 35:11

Lamabu'uusér /aytuuse i sakwasleemút, asma muruú ni xuaaká. Muruú ni xuaaká ngun aníng i yaahamiisiyá'.

WARA'AMI 62:4

Baraá axweesanto tin kaahi slayá', as kuwa dahhi dirós tidá' ilaiwa/ameero, inooín lama ngi saqwalaala/iyá', afer'ine /ayma'aá tsuuqaá koomá' kin kah, ala baraá muner'ine tan lu'umis.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 38:4

Geeraharuuse waawutmo guri beér, «Heewí gár kuwa hariím a gaasa, asma i slaqwaruusér diqiya' tlaaq nee mukdá' aa baraá gixsarí meeti. Baraá axweesanaywós kwihe inós mukwí gu hhooárí slaiiká, ala gár ngwi slai a amotlakwe.»

AMOS 7:10

Aluuwo kaahamusmo Amasia oo gixsár Beteli afo gari ya/aáw amór waawutmo Yeroboamu oo múk Israeli, iwa kaahi, «Amos kuúng un safoliit dír mukwí alé, axweesanaywós kwí saqitluuwo u aslawanaaká.»

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

Matayo 17:27

Ala atén ohomuuseerí buhhtisaro a sla'aanaaká. Gawaá adoorihe kuúng tláw, baratsufi kwahheek baraá tlawi, siyoódá' ni geerií hardáh ooheek. Nee afkós bura waatlés, shilingmo uqo aán. Daqaní ku húp, ku hanís ohmér wa ale as daanduueé' nee kók.»

Matayo 22:21

Tari oó', «Slaqsaywí nee gooirihe awa waawutmoó Roma.» Yesu giri báy, «Ar waawutmoó múk Roma wa hariim, amoorós ti hanise', nee ar Mungú wa hariim, amór Mungú ti hanise'.»

Matayo 27:11

Yesu iri sihhiít dír geeraá ga/aawusmo. Ga/aawusmo Yesu guri yaahaás iri oó', «Kuúng a waawutmoó múk Yahudíro?» Yesu iri oó', «A adoosíng kuúng ta kat.»

Marko 12:17

Yesu giri báy, «Ar waawutmoó múk Roma amoorós ti hanise', nee ar Mungú amór Mungú ti hanise'.» Kuri ló'wa waa/oó/.

Marko 15:2

Pilato guri yaahaás, «Kuúng a Waawutmoó múk Yahudíro?» Inós guri báy, «A adoosíng kuúng ta kat.»

Luka 23:14

giri báy, «Heewí nguna dir'eéní hubé' as iwa múk sageqwaaremisi. Aníng una yaahamiís dír geeraahúng wa ale, ala án dakuúsár ni ara'ar baraá muruuwí kuwa sakwasleemuta' i káhh.

Luka 23:5

Inooín tari ló'wa buúhh axweesanto, ta kaahi, «Inós i tlaahhír qamín dír muko ar intsaahhatimisuuwós, iimír Galilaya ay Yudea sleémeero tam ay amoorí.»

Yohana 18:29

Pilato giri harati'iít tsee/aá i alé, giri báy, «Gár heewí kuwa sakwasleemuta' a milá?»

Yohana 18:30

Tari oó', «Bira dakuusiiká geera ngu huwaanaaká amoorók.»

Yohana 19:12

Gawaá adoorihe Pilato loohi gari leelehhiít ar Yesu ngur gweeri. Ala múk Yahudi tari tsimaahhuús ta kaahi, «Kwí bura gwét, kuúng a mulqumoó waawutmoó múk Romarooká. Heé ti waawutmo tlehhiít, i waawuti'iimár waawutmoó múk Romár waaqaaqaa'.»

Tlehhema'aá ya/Abuuse 24:13

Tam kangwqá' aníng iwa sakwasleemuutiya' looeemaawós laqaamaro ngi aleeslay'aaká.

Tlehhema'aá ya/Abuuse 24:5

Asma heewí ugwa tsaahhaán adór tar heé ló'wa tlaákw. A heé tlaahhír huwahuúw baraá múk Yahudi sleémeero baraá yaamuwo. Nee hamí a geeraharusmoó mukdá' ta bay Nasarayo.

Rumi 13:7

Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.