Luka 22:22 - Biblía Axweesantá Hhohho' ar Mungú 2004

²² Asma Garmoó Hee i gwa'arár áy, adoodá' Mungú ngira tsabín, ala heedaádá' gu sakií/, a tsaxwaawós.»

Ya/abtór hho' 1977

²² Asma Garmoó Hee i gwa'arár áy, adoodá' Mungú ngira tsawaár, ala heedaádá' gu sakií/, a tsaxwa sakwasleemarós ngiwa wa /akuuti.”

Luka 22:22 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Matayo 27:5

Peésaadá' gari kwaáhh baraá Doó Mungú, iri tláy, tiri tareereé'.

Marko 14:21

Asma Garmoó Hee inqo tawo amór gwa'arárií hi'iit adoodá' kara gooín, ala heedaádá' Garmoó Hee gu sakií/, a tsaxwaawós. Alók geeraawo a tsiní bar inós kuna laqwaliiká.»

Luka 22:23

Ya/abuuseedá' tiri kilooín yaahamís iwa kat, «Baraá tla/angwrene heé adoorí ga tleéhh a heemá?»

Luka 24:46

Giri báy, «Tí a tidá' taa gooín tawa kaahi, ‹Kristo gár kuwa hariím aqo kun slahh'eemiis, nee bál tame nay waaslee/.›

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Tlehhema'aá ya/Abuuse 10:42

Yesu hara'aya ngina oó' ar muu kuwa Ya/abtór hhó' i alki/iitaan nee kuwa lamabu'uumaan, adór kwí tar kudá' taa hara'ayár i haniís nee Mungú, múk slaáf nee múk aa qatli nguwa sakwasleemuuti.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.