Luka 22:17 - Biblía Axweesantá Hhohho' ar Mungú 2004

¹⁷ Xooslmoó wahaangw nguwa óh, iri sluufiís iri oó', «Oohaak, kiloohúng qasmiisaak.

Ya/abtór hho' 1977

¹⁷ Xooslmoó wahaangw nguwa óh, iri sluufiís iri oó', “Oohaak, kiloohúng qasmiisaak.

Luka 22:17 Iomraidhean Croise

WARA'AMI 116:13

U ilahhooár difaáír i haniís asma iga ba/amís, nee AAKOÓ MUNGÚ un fiririím.

WARA'AMI 23:5

Muruú /aymar'eé' un amohhe'és dír geeraá wakuuser'eé', sagw'eé' un iimbaláx ar di/i, slooqmooeé' kway hatsís, iri waa/.

YEREMIA 16:7

Heé mukdá' tsuunqumiís as qatlór xwayliitér'ín gu muruú /ayma nee ma'aá wahaángwí hanmiís i kaahh as ngiwa gurkwa/asi.

Matayo 14:19

Giri ádbáy, boo/aay iwa iwiiti gawaá gitso. Mikaáteedá' kooán nee siyoódá' tsár giri óh, iri gawaá doorí qaytsiít, iri sluufiís, gari eeharuuseerós i haniís. Eeharuuse gari dír boo/aydí hanmís.

Matayo 15:36

Mikaáteedá' faanqw gari óh, nee siyoódae, iri sluufiís, gari parhhamiís, gari eeharuuseerós i haniís. Nee eeharuuse giri dír boo/aydií qasmís.

Matayo 26:26

Qoomár tawa /ayin, Yesu mukatmo guna óh, iri sluufiís, guri parhhamiís, guri eeharuuseerós i haniís, iri oó', «Oohaak, /ayaak, gaarí a slaqwte'eé'.»

Marko 14:22

Qoomár tawa /ayin Yesu mukatmo guna óh, iri sluufiís, guri parhhamiís, guri eeharuuseerós i haniís, iri oó', «Oohaak, gaarí an slaqwte'eé'.»

Luka 22:19

Aluuwo mukatmo guri óh, iri sluufiís, guri parhhamiís, guri dir'ín i haniís iri oó', «Gaarí a slaqwte'eé' [ar tinda haniís as kuungá'. Adoorí tlehhiitaak as inslaslangw'eé'.»

Luka 9:16

Mikaáteedá' kooán nee siyoódá' tsár giri taataáhh, iri gawaá doorí qaytsiít, iri sluufiís, giri qasmiís giri eeharuuseerós i haniís, as kiwa múk i qasmiisi.

Rumi 14:6

Asma heedaádá' deelorka ga xuú' adór kar afhhamít, adoodá' gan tleehh as Aako. Nee slám heedaádá' mura' sleémeero gu /aáy, gun /aay as Aako, asma i Munguú sluufmiis. Nee kudaádá' /ayiimaaká, /ayma gaa máy as Aako, nee inós sleeme i Munguú sluufmiis.

1 Korinto 10:16

Xooslmooduú tsuuqa, kudá' atén ta tsuuqumaan bur ar wahaamaán, gár i huwahuwi a dinku'uumár tseerér Kristowookáhe? Mukatmoodá' ta qasmiisaan bur /ayaán, gár i huwahuwi a dinku'uumár slaqwtá Kristowookáhe?

1 Korinto 11:23

Asma aníng intsaahhastí ana dír Aakoó wa ilaóh, nee ngiri kuungá' i oó', tí kah, Aakoorén Yesu xweeraadá' kuwa sakií/, mukaatmo guna taataáhh,

DABE 8:10

Kuungá' a /ayiindá' nee tari axá', AAKOÓ MUNGÚ, Munguúhúng kuri sluufisá', asma yaamaá hhoohhoo' nga kuungií haniís.

1 SAMUELI 9:13

Bara sadaté' baraá gixsa, aqo un adaá aandá', dír ira amoodár gáwtí tsa/anká iwa /aymár ay. Asma muu i /ayinká ay dír inós i hardihi, asma inós an heé muruudá' taa ilahhooár wa tsuú/ gu tsuúq, daqaní múk aáng taa dahi'ís iri /ayín. Gimsé', tsa/amé' hamí, asma qoomaarí an qoomár kuwa adaá aanda'.»