Luka 21:23 - Biblía Axweesantá Hhohho' ar Mungú 2004

²³ /Ameenár tsiihaawe nee ar na/aá ninakw gi koom qoomaadae, a tsaxwaaín. Asma qoomaadae slahh'amuú úr i deer baraá yaamuudae, nee Mungú sakwasleemarós ga boo/ees daanduú xooroorihe.

Ya/abtór hho' 1977

²³ /Ameenár tsiihaawe nee ar na/'aá ninakw gi koom qoomaadae, a tsaxwa kaangwí nguwa wa /akuutiya'. Asma qoomaadae slahha'amkwá úr i deer baraá yaamuudae, nee Mungú sakwasleemarós ga boo/ees daanduú xooroorihe.

Luka 21:23 Iomraidhean Croise

WA/AA/I 4:10

Qoomaadá' muk'eé' kuwa hhaamiís, amuudá' gurtleemuú koomá' na/ii'ín awa kilá' ngina huminé' as kahhó' ngiwa /ayiya'.

DANIELI 8:19

Aníng iri báy, ‹Iia qaaseek, aníng buhhtá Mungú ngi oó' adór i laqiya'. Iigu'utuwí a daanduú qoomár alhhe'eesoó yaamu.

Matayo 21:16

Yesu kuri báy, «Aga axási adór i kaahiya'?» Yesu iri oó', «Eeít, aga axaás. Kuungá' aga soomusi'iikáhe gídaabá, ‹Kuúng xirfuuwók ugwa amohhe'és kuwa boo/eesi ar afér na/aá ninakw nee awa du'uumá'.› »

Matayo 21:41

Tari oó', «Mukdá' tlákw gu ló'wa hhaamiis. Nee qaymór sabiíbu gari doosluusér hatlá' i saayín, tidá' bu'uungós gu haniis ar qoomár hariim.»

Matayo 21:44

Umuúqo heewo oo gawaá tlaa/arí huú', aqo in qeqtaatín, nee slám umuúqo heewo oo tlaa/arí i i hu', aqo gun naasuúr.]»

Matayo 24:19

Ala /ameenár tsiihaawe nee ar na/aá ninakw gi koom qoomaadae, a tsaxwaaín.

Marko 13:17

Ala /ameenár tsiihaawe nee ar na/aá ninakw gi koom qoomaadae, a tsaxwaaín.

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Luka 19:43

Asma deelo i hardát ar wakuuseerók iwa slúmtí tlehh, nee tiwa harweeri nee tiwa harasaapi bihhe sleémeerowo,

Luka 23:29

Asma deelo i hardát ar tawa ooi, ‹Múk amohhoó' a /ameenadár kaamper, tidá' aa laqwaliká, nee ar aa du'umisiká.›

1 Korinto 7:26

Adór án ngir ga/aawa a tsiní bar hee duuxo ngaa máy as slahh'amuuwí dáw de'emuukae.

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

Yakobo 5:1

Iia qaasaak, kuungaásingá' daqaare, /aa/é', tsuunqumiisé', as slahh'amuuwí kuungá' ta sleera'.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?