Luka 21:20 - Biblía Axweesantá Hhohho' ar Mungú 2004

²⁰ «Qoomár bar gixsár Yerusalemu aga aandé', kaa harweér nee múk slaqwara, daqaní ka tsahhá' adór deelór hhaamiisarós nira tseewuúr.

Ya/abtór hho' 1977

²⁰ “Ala barnaxes gixsár Yerusalemu aga aandé', kaa harweér nee múk slaqwara, tsaahhaagáy gídaabá qoomár kawa hhitin naa tseewuúr.

Luka 21:20 Iomraidhean Croise

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

Matayo 24:15

«Qoomár kudá' tlaákw oo Hhitusmo bura aandé' aa sihhiít didaádá' hhoohhoó' i alé, kudaádá' aarusmo Danieli aa oó' (heé soomuús gídaabárós ngi tsaahhi),

Marko 13:14

«Kudá' tlaákw oo Hhiturusmo bura aandé', aa sihhiít didaádá' iwa harinaká» (heé soomuús gídaabárós ngi tsaahhi), «qoomaadae múk yaamaá Yudeár i dirií' ta ta'aain gawaá tlom'i.

Luka 19:43

Asma deelo i hardát ar wakuuseerók iwa slúmtí tlehh, nee tiwa harweeri nee tiwa harasaapi bihhe sleémeerowo,

Luka 21:7

Yesu kuri yaahaás, kuri báy, «Intsaahhatusámo, muruuwí xaylá i tleehharuuti? Nee qoomár muruuwí birna tseewúy, layár kur tsaahhaan a gaalá?»

Ebrania 11:30

Múk Israeli koo/ír gixsár Yeriko kana harwediít. Alaá deelo faanqwe koo/idá' iri hú' as haratlintaaoodá'.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.