Luka 20:22 - Biblía Axweesantá Hhohho' ar Mungú 2004

²² A hariímáro waawutmoó múk Roma kuwa koódír i hanisaan, laqaá aasla'áy?»

Ya/abtór hho' 1977

²² A hariímáro waawutmoó múk Rumi kuwa koódír i hanisaan, laqaá aasla'áy?”

Luka 20:22 Iomraidhean Croise

ESRA 4:13

Hám daxta i xu'utit dír waawutmoowo adór gixsarí barka tleéhh nee koo/irós bira hhooeér, mukwí ohme sleémeero gari sii' bu'utuuwo, nee aleema niri dahiyá' baraá tlakoó doó waawutmoowo.

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

NEHEMIA 5:4

Slám kookaariya' tana káh, «Atén peésa ana kirikaán as ohmér waawutmo kawa buaan daanduú qamuurene nee sabiíbuurene.

NEHEMIA 9:37

Daqaari'iimár yaamuuká' kaa ar tláy nee waawitaádá' kuúng naa qás atén tiwa sawaawuti'ii'ina'. Inooín slaqoorén ngin baliitiyá' nee hikwaarene, atén a baraá slahh'amaayér ur.»

Matayo 17:25

Petro iri oó', «Ga hanmaamiis.» Petro iwa baraá dó' i dáh, dír ira gaa ooiiká, Yesu guri geerií yaahaás, guri báy, «A adoomá Símon, waawituú baraaká' yaamu koódi ngiwa ohin, laqaá ohme, dír ngiwa ohin a dír muu gaalá? A dír na/ii'íne, laqaá a dír dahaaye?»

Luka 20:21

Yesu kuri yaahaás, kuri báy, «Intsaahhatusámo, atén a xuaán kuúng tidá' ganaa' an kát nee an intsaahhatimís. Slám kángw uroó hee u yaahamiská, ala loohír Mungú adoodá' ir gana' tinar intsaahhatimís.

Luka 20:23

Ala Yesu hhaahhafingw'ín kudá' nguwa tsaáhh, giri báy,

Luka 23:2

Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Tlehhema'aá ya/Abuuse 5:37

Alaá heewihe heeko hatlá' ta bay Yuda, heé Galilaya, nina hardáh. Deeloodá' a tidá' umér muu kawa gooii'in. Heewí múk yaariír guri amoorós i uuruúx. Inós iwa gwaá', mukdá' sleémeero inós gwa eehar iri diya/aát sleeme.

Rumi 13:7

Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.

DABE 17:15

kuungá' waawutmoohúng ku qasá', masók a heé AAKOÓ MUNGÚ, Munguúhúng aa tsawaár. Waawutmo baraá tla/angwhúng tiwa tsawde'. Ala hoomo mu waawutmoó wa tsawaarara'.