Luka 20:13 - Biblía Axweesantá Hhohho' ar Mungú 2004

¹³ Heé qaymoodá' loó' iri oó', ‹Adór ni laaq a adoomá? Garmaaeé' kwí oo sla'aarusmo un ya/aáw. Dooqa inós burkwa ár, ku ilaiwaa/.›

Ya/abtór hho' 1977

¹³ Heé qaymoodá' loó' iri oó', ‘Adór ni laaq a adoomá? Garmaaeé' kwí oo sla'aarusmo un ya/aáw. Dooqa inós burkwa ár, ku ilaiwaa/.’

Luka 20:13 Iomraidhean Croise

ISAYA 5:4

Xáy, gár naa tleehhiiká baraá qaymor'eé' ar sabiíbuuwo a milá? Qoomár gár naa haraxuú' tawa sabiíbu mamaá hhohho' ngin laqwaal, aluuwo gár aa laqwaál mas sabiíbuú sla/a?

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

ESEKIELI 12:3

«Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 18:2

Iri oó', «Har'ohusmooko baraá gixsarkaaro i deer. Inós i Mungú ilaiwa/aa/atiiká, slám inós muu gu gaárí xuiiká.

Luka 18:4

Nee har'ohusmoodá' iri ala sií', aluuwo iri baraá muunaáwósí oó', ‹Aníng a Mungú ilaiwa/aa/ataaká, slám muu u gaárí xuaaká.

Luka 20:12

Slám lawaalmoó tám guri male ya/aáw. Kwí sleeme kuna tlaqamiís, kuri guús baraá qaymoodae.

Luka 20:14

Ala doosluuseedá' nguwa aán, tari kilooín axweés ta kaahi, ‹Kwí a aaliitmoowós. Un gaasaán, as daqaní aali tawa toorén.›

Luka 9:35

Afo nay baraá huunkidá' wa ilawáts, i kat, «Kwí a Garmaaeé', kudá' naa tsawaár. Inós iiárií qaasaak.»

Yohana 1:34

Nee tí aníng aga ár, slám aga lamabu'uúm adór kwí tar Garmoó Mungú.»

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,