Luka 2:9 - Biblía Axweesantá Hhohho' ar Mungú 2004

⁹ Malaykamoó Aako giri gaanslár harati'iít, xirfuú Aako gay i gwa/aát bihhe sleémeero, tari ló'wa da'ayuut.

Ya/abtór hho' 1977

⁹ Malaykamoó Aako giri harati'iít, xirfuú Aako gay i gwa/aát bihhe sleémeero, daér ur gay eér.

Luka 2:9 Iomraidhean Croise

1 WAAWITÁ 8:11

Kaahamuusér Mungú gadiyeé gari harslaaqát as huunkidá', asma xirfuú AAKOÓ MUNGÚ Do'ós kudá' guna hatsiís.

TI'INAANGW 16:10

Qoomár Aroni iwa axweesi dír dinku'uumadár múk Israeli, inooín tana qaytsiít amór xaanxáy ale, naxés xirfuú AAKOÓ MUNGÚ nina geehhooúy ar gawaá huunki.

TI'INAANGW 16:7

Matlo matlaatleero kuungá' xirfuú AAKOÓ MUNGÚ u aandá', asma inós una i qununu/é'. Atén a ín heemá tam tiwa i qununu/a'?»

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 40:5

Daqaní xirfuú AAKOÓ MUNGÚ iri geehhooúy, muu sleémeero guri ar.» Asma adoorí AAKOÓ MUNGÚ gaa oó'.

ISAYA 60:1

Tlawáng, gwa/aát, asma gwa/aateemaawók naa hardihiyé', nee xirfuú AAKOÓ MUNGÚ ugwa i gwa/aát.

ESEKIELI 3:23

Naagáy niri sihhiít, niri tláw ay dír tlapapaaidá'. Héh, amoodae xirfuú AAKOÓ MUNGÚ una ár, aa sihhiít adoodá' ira sihhiít qoomaadár niwa dír yaaér Kebari, aníng niri i gurúr qaát.

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Luka 1:28

Malaykamo iri baraá do'ós i dáh iri oó', «Laawaay, kír tsuuqa iga sleer. Aako nee kiíng a dinkwa.»

Luka 2:8

Baraá yaamuudae de'eemuuserka i deer ar baraá tleesantá hoot, nee bee/angw'ín kun xumxaaxún xweeraawo ar baalaqaasi.

Luka 24:4

Tari amoqwaqwadín as tidá' taa ár. Naxés múk tsár aa dír bihhaaín i sihhiít oo tlabaá miirii/á' gaa tsiit.

Yohana 12:41

Axweesanaywí aarusmo Isaya guna oó', asma inós xirfuú Yesu guna ár, nee kangós guri axweés.

Tlehhema'aá ya/Abuuse 12:7

Hamtidár kilá' malaykamoó Aako iri sihhiít bihhiiwós, do' iri gwa/aát, malaykamoodá' Petro guri tleés, guri báy, «Tlawáng ar gaanslaay.» Pínguudá' oo gawaá dabaawós iri paáhh.

Tlehhema'aá ya/Abuuse 27:23

Asma xweeraaká' laarí malaykamoó Munguúdá' aníng naa haratlintií', slám ni sluufmiis, nina bihhieé' i sihhiít,

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 12:21

Muruudá' taa ár a muruú ló'wa dae tlaáq. Tam Mose iri oó', «Aníng aga ló'wa da'ayuút, tam nay daaraxaát.»

Geehhoeemaá 18:1

Alaá muruuwihe malaykamoó hatlá' nguri ár. Malaykamoowí i awdiit gawaá doorí wa ale. Inós aleesleemuú úr gu kón. Yaamu kiri gwa/atís xirfuuwose.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.