Luka 2:49 - Biblía Axweesantá Hhohho' ar Mungú 2004

⁴⁹ Gari báy, «Ahaá, mihar leelehhitá'? Aga xui'ikáhe adór gár án tiwa hariím, an baraá doó Baabuúeé' wa hoót?»

Ya/abtór hho' 1977

⁴⁹ Gari báy, “Ahaá, mihar leelehhitá'? Aga xui'ikáhe gídaabá gár án tiwa hariím, an baraá doó Baabuúeé' wa hoót?”

Luka 2:49 Iomraidhean Croise

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

Matayo 21:12

Yesu iri dáh baraá Doó Mungú, muu sleémeero, kudá' muruú weerimiís nee kudá' muruú tlaxuuma guri baraá Doó Mungú wa gusiisín. Meesadaá múk peésár gaamiís giri /aankwartsín, nee kiteeraá múk hhookár weerimiisa.

Luka 2:48

Qoomár xwayliteérós nguwa aán, tari waa/oó/, aayo guri beér, «Garmaaeé', mista adoorí láq? Ga/aaweegáy, aníng nee baabuúwoge kuúng una leelehhahhitaán ar gurhaami.»

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 5:17

Ala Yesu inooín giri báy, «Baabuúeé' i gadiyuus tam hamí, nee aníng sleeme an gadiyuús.»

Yohana 5:36

Ala lamabu'úngw án ni koom ku ak úr ta kuduú Yohanewo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme adór aníng Baabá ira ya/aáw.

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Yohana 8:29

Nee kudá' aníng iga ya/aaw, inós i dinkwa nee aníng. Aníng iga kilooeé' geexayká. Asma umuúqo deelooro tidá' inós gu sla'atimis an tlehhiít.»

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiiti. Xweera ni hardihiyá' awa hee gadiyeé tleehhamooro ngiwa aleeslayká.