Luka 2:41 - Biblía Axweesantá Hhohho' ar Mungú 2004

⁴¹ Xwayliteérós i Yerusalémú kaakeér umuú kurko qoomár deelór ur ar Pasaákuwo.

Ya/abtór hho' 1977

⁴¹ Xwayliteérós i Yerusalémú kaakeér umuú kurko qoomár deelór ur ar Pasákuwo.

Luka 2:41 Iomraidhean Croise

TI'INAANGW 12:11

Bar /ayiindá' adoorí an tlehhá': An siinootiindá', ya/ataahúng in dahasá' baraá yaií ale, hhadoohúng ngin otá' baraá dabe. Fu'unaydá' kiri /agá' ar gaanslaay, gaa a Pasaákuú AAKOÓ MUNGÚ.

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 34:23

«Baraá kurko sagaáwa tám hhaawate sleémeero awa mukók ni hardihiye' dír geeraá AAKOÓ MUNGÚ, Munguú Israeli.

TLAHHOÓ LAÁWI 23:5

«Tsiindaá baalár mibaá nee tsiyáhh awa slahhángw geera an baalár Pasaáka kuwa boo/esa' as anuú AAKOÓ MUNGÚ.

FAARO 28:16

«Slahhángw geera bál bar mibaá nee tsiyáhh an deelór pasaákuú AAKOÓ MUNGÚ kuwa tlehha'.

Luka 2:42

Qoomár Yesu kureeraá mibaá nee tsár ngiwa áy, tari tsa/án Yerusalemu, adoodá' ta /iimamisi.

Yohana 11:55

Deelór ur ar Pasaáka ar múk Yahudi deeloodae aa naká/, nee múk yaariír niri tlatláy ayaaín wa ale, tari tsa/án Yerusalemu, qoomár deeloodár Pasaáka iwa xeeriiká, as tiwa hheehhe'eesiya'.

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 2:13

Nee deeloodae deelór ur ar múk Yahudi, tidár Pasaáka, aa naká/. Yesu iri tsa/án ay Yerusalemu.

Yohana 6:4

Ala Pasaáka, deelór ur ar múk Yahudi, naa tseewuúr.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

1 SAMUELI 1:21

Elkana, nee múk do'ós sleémeero, tari tsa/án, AAKOÓ MUNGÚ kuwa ilahhooár muruú ta tsú/í haniisi ar umuú kuru, nee al'axweesantadá' aa tseék kawa boo/eesi.

1 SAMUELI 1:3

Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.