Luka 2:4 - Biblía Axweesantá Hhohho' ar Mungú 2004

⁴ Yosefu sleeme iri Galilayár wa tláy, baraá gixsár Nasareti, iri tsa/án yaamaá Yudea, ay dír gixsár Daudi, ar ta bay Betilehemu, asma inós oo guruú doó Daudi.

Ya/abtór hho' 1977

⁴ Yosefu sleeme iri Galilayár wa tláy, baraá gixsár Nasaretír wa ale, iri tsa/án yaamaá Yudea, ay dír gixsár Daudi, ar ta babay Betilehemu, asma inós a oo tlahhoó Daudi,

Luka 2:4 Iomraidhean Croise

IIMU/UUNGW 35:19

Raheli iri kahhút, kari foól bihhaá loohír Efrata kaw, an Betilehemu.

IIMU/UUNGW 48:7

Aníng niwa kií/ yaamaá Padanír wa alé, Raheli iri loohírí kahhút baraá yaamaá Kana'ani. Slám ka saweeká hardahamuú gixsár Efrataro. Iri gurhaamír úr i geexeér. Naagáy ngiri didár kilá' i foól, bihhaá loohír Efratár kaw. Efrata a gixsadá' laarí ta bay Betilehemu.»

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 2:23

Iri hotaá áy baraá gixsár Nasareti. Adoorí ina tleehharút as /aymuudá' aaruuse aa ó' iwa boo/i, kudá' tawa káh, «Inós ku bay a heé Nasareti.»

Luka 2:3

Muu sleémeero tari umer'ín gooír áy, umuúqo heewo amór gixsarós.

Luka 2:5

Inós nee Maria tidá' aa lehhiít tina alkoné' as kiwa gooin, nee qoomaadae Maria a tsiiháy.

Luka 4:16

Yesu iri Nasaretírí tláy amoodá' kuwa ureés. Deelór Sabaátoro iri dáh baraá doó saaliingw adoodá' /iisí i /imaamisi. Iri sihhiít as iwa soomuusi.

Yohana 1:46

Natanaeli iri oó', «Gár hhoo' ar baraá gixsár Nasaretír wa ti'iit iqo deéro?» Filipo iri oó', «Qwaláng, areek.»

Yohana 7:42

Gooi baré i kat, Kristo i ti'iit baraá xwaylár Daudí wa ale, nee amór ni dahhi a baraá Betilehemu, gixsadá' Daudi iwa hoót.»

RUTI 1:19

Tari kumiít tsaraawo, tari hardáh Betilehemu. Tawa hardáh Betilehemú i alé, múk baraá gixsadá' sleémeero iri waa/oó/ as inooín. /Ameena iri waa/ó/ iri ó', «Heewí aqo tsuwaá Naómíwo?»

RUTI 2:4

Naxés Boasi nina hardáh i Betilehemúr daahh. Múk bu'uúm guri laaw'eés iri oó', «AAKOÓ MUNGÚ masók ta dinkwa nee kuungá'.» Inooín tari oó', «AAKOÓ MUNGÚ u tsuuqi.»

RUTI 4:11

Bariiseedá' didí dirii' nee mukdá' sleémeero tari oó', «Eeít, atén a lamabu'uuse. AAKOÓ MUNGÚ masók /ameenisíng baraá do'ók i dah gan adór Raheli nee Lea tleehh, kudá' doó Israeli ngwa hatsiisiye'. Masók kuúng a daqaari'ít baraá tlahhoó Efratawo, nee umuuwók i iiatleeruy baraá Betilehemuwo.

RUTI 4:17

/Ameenár inslaawaay na/aay guri umí tsát, kaangwí kuri alki/ituú áy dír umuúqo heewo, tawa kaahi, «Naomi garmoó naangw gwaa sleér!» Ku bay Obedi. Inós an kudá' aluuwo Yese ngwa laqwaal, Yese Daudi guri laqwaál.

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 16:4

Samueli adoodá' AAKOÓ MUNGÚ aa hara'ayín gari tleéhh, iri tláy amór gixsár Betilehemu. Bariisér aya guri al'eér ar daaraxaay, tari oó', «Gaa ka hhoóe?»

1 SAMUELI 17:12

Daudi a garmoó Yese, oo hhay Efrati oo baraá Betilehemúr Yuda. Yese daaqaywós a dakaát. Qoomár Saulo tawa waawutmo, Yese a heé aa din, kureeriiwo bariisér ayaawós ga baa/.

1 SAMUELI 17:58

Saulo Daudi guri yaahaás, «Gárma, kuúng a garmoó heemá?» Daudi iri oó', «Aníng a garmoó sagadiyusmoowók Yese, kuduú baraá gixsár Betilehemu.»

1 SAMUELI 20:6

Baabuúwók bar aníng iga ariiká dír meésarós tidár muruú /aymarose, kangw'eé' burungwa yaahaás, ku beér, ‹Daudi aníng iga harhheehhe'eés ya/aám ngiwa slay, as iwa amór gixsarós kay tidár Betilehemu, tawa dinku'uusi nee múk dooín, ilahhooar'ín ar muruú ta tsu/i tidár umuúqo kuru kawa haniisi.›