Luka 2:36 - Biblía Axweesantá Hhohho' ar Mungú 2004

³⁶ Aaruso'orkar ar /ameeni i deer, umuuwós a Anár Fanueli, ar tlahhoó Asheri. Inós a /ameenír aa ló'wa diin. Tana al hoót nee hhawaatuuwós kureeri faanqw alaá duuxoro.

Ya/abtór hho' 1977

³⁶ Aaruso'orka ar /ameeni i deer, umuuwós a Anár Fanueli, ar hhay Asheri. Inós a /ameenír aa diin ló'wa ale. Tana al hoót nee hhawaatuuwós kureeri faanqw alaá duuxoro.

Luka 2:36 Iomraidhean Croise

IIMU/UUNGW 30:13

Lea iri ó', «Aníng a qwalaalaá/, asma /ameena aníng i beer, qwal/amaaye.» Na/aydá' guri beér Asheri.

2 WAAWITÁ 22:14

Gawaá adoorihe, kaahamusmoó Mungú Hilkia, nee Ahikamu nee Akbori nee Shafani nee Asaya sleémeero tana daqáy amór aaruso'o Hulda, harér Shalumu, garmoó Tikfa, garmoó Harhasi. Shalumu an kudá' tlabaá doó Mungú amohhee'emaamiís. Qoomaadae Hulka dír i hot a bartá tsár ar Yerusalemu. Inooín nee aaruso'o Hulda tari axweés.

YOBU 5:26

Kuúng an hotaatiín, diimaay uri daahh, aqo adoodá' balaangw ir hamdaaditi kway buu'.

WARA'AMI 92:14

Mamu ngi laqwaliyá' ay qoomár diimaay, nin hatsiyá' duwaawo nee naa/amawo.

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

ESEKIELI 13:17

Gimáy daxta, heewí, warqáw amór /ameenadá' aariiriim ar mukók, tidá' aariiriim daanduú inslaway'ine. Aariím daanduuine,

Luka 2:35

asma inslawoó baraá munér múk yaariír iwa geehhoouy. Nee kiíng sleeme gurhaamír tlaaqaam adór tsataay muunaáwók gu slahhaés.»

Luka 2:38

Inós hamtidár kilae nina ti'ít, i Munguú sluufmís. Kángw na/aay guri ó' dír kudá' sleémeero awa harahhifor'ín ngaa qaasiye' gawaá ba/amár Yerusalemu.

Tlehhema'aá ya/Abuuse 2:18

Ala deeloodae án Qeeruueé' u haniís sleeme dír sagadiyuuser'eé' ar hhawaate nee ar /ameena, nee inooín tari aarirín.

Tlehhema'aá ya/Abuuse 21:9

Heewí dasuú tsiyáhh oo /amaatliite gu kón, inooín qeemuú aaru'uuma ngu koná'.

1 Korinto 11:5

Ala umuúqo /ameeniiro barnaxes sagós gwa tuntukká, qoomár bir firiiriín, laqaá qoomár bir ya/abtór amór Mungú daáhh axwés, inós sagós gun mureekeemís. Asma adoorí binga tléhh, inós a adór /ameenír taa saga deéqw.

1 Korinto 12:1

Hhaee'eé', gár án ni slaa', kuungá' kángw aleesleemuú ta hanmiisi nee Qeeruú hhoohhoó' oo Mungú masók un xuá'.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 5:9

Kwaalo'ór ta gooiin a tidá' kureeraá mibeeraá lahhoó' gaa eer. Nee slám inós masók hhawaatuú gaa duux a wak.

YOSHUA 19:24

Tsawdór kooán tlahhoó Asheri guna sleér ar harqoomoó maray'ín i dirii'iya'.

Geehhoeemaá 7:6

Oo tlahhoó Asheri a kume mibaá nee tsár. Oo tlahhoó Naftali a kume mibaá nee tsár. Oo tlahhoó Manase a kume mibaá nee tsár.

HAR'OHUUSE 4:4

Debora aaruso'ór /ameeni, harér Lapidoti, inós an har'ohuso'ór xoorór Israeli qoomaadae.

1 SAMUELI 1:2

Elkana tlaawaay ngu kon tsár, ar wák umuuwós ku bay Hana, tooka umuuwós a Penina. Penina i na/aá koón, ala Hana a kaampeeri.