Luka 2:32 - Biblía Axweesantá Hhohho' ar Mungú 2004

³² tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

Ya/abtór hho' 1977

³² tawa gwa/ateemaá gwa/aatá' dír xoorduuwo, nee tawa xirif dír mukók Israeliwo.”

Luka 2:32 Iomraidhean Croise

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 49:9

Kudaá baraá tseegamo kiwa bay, «Ti'iitaré' baraá doó tseegamooro.» Awa baraá giwti kiwa bay, «Qwalaas amór gwa/aateema.» Umuú diiro muruú /ayma i deer, tam gawaá sagér tlom'aá kaaharene muruú /ayma i deer.

ISAYA 51:4

Muk'eé' aníng iiárií qaasaré', xooror'eé' iia qaasaak, asma dabe ni dir'eé' dáhh, nee sakwasleemar'eé' ar ganaa' i gwa/aateemaá muu tleehhít.

ISAYA 60:19

Tsee/amá tlaatla/aango u baloó yaahaská tam gwa/aateemaá slahhaangw sleeme qoomár xweeraawo. Ala AAKOÓ MUNGÚ an gwa/aateemaawók awa alhhe'eesay wasl. Anuú AAKOÓ Munguúwók an xirfuuwók.

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

YEREMIA 2:11

Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

Matayo 4:16

mukdá' aa hoot baraá giwtír wa ale gwa/aateemaá ur kaa ár. Nee kudá' naa baraá yaamaá geehhaantamoó gwa'arár wa hootiye', gwa/aateema ngaa i gwa/aatiyé'.»

Luka 2:10

Ala malaykamo giri báy, «Ma da'ayumiitaara', asma án kuungá' nuna Ya/abtór hhó' i huúw ar qwal/amaayér ur dír muu sleémeero.

Luka 2:31

tidá' taa amohhe'és dír ilaá muu sleémeerowo,

Tlehhema'aá ya/Abuuse 26:23

Nee kangwdá' a kwí, Kristo gár kuwa hariím a kun slahh'eemiis, nee tari heé baraá múk aa qaátl wa geerií waasleé/. Nee kángw gwa/aateema guri alki/iit dír múk Israeli nee dír múk xoordaá hatlae.»

Tlehhema'aá ya/Abuuse 28:28

«Ala kuungá' xuaak adór ba/amár Mungú kara huúw amór xoordaá hatlá', nee inooín ka iiárií qaas.» [

1 Korinto 1:31

Gawaá adoorihe, adoodá' Gooi i kat ina tleehharút, «Heé ti kilós xirfayeemiís, masók ti xirfayeemiis as Aako.»

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.