Luka 2:25 - Biblía Axweesantá Hhohho' ar Mungú 2004

²⁵ Baraadá' Yerusalemuwo heeko i deer, umuuwós a Simeon. Inós a heé hota ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' oo Mungú gu kón.

Ya/abtór hho' 1977

²⁵ Baraadá' Yerusalemuwo heeko i deer, umuuwós a Simeoni. Inós a heé ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' gu kón.

Luka 2:25 Iomraidhean Croise

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 1:8

AAKOÓ MUNGÚ Neetlaangw guri báy, «Án ngi slaá' sagadiyusmooeé' Yobu ngwa aán. Inós a heé hhoó', oo gan'amuú tlehhiít, heé Mungú gu ilaiwawaá/, slám a heé tlakweemaá sla'aaká. Baraá yaamuwo heé adór inós i kaahh.»

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 40:1

Munguúhúng i kaahi, «Muk'eé' gurkwa/asak, inooín gurkwa/asak.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

FAARO 11:25

Nee AAKOÓ MUNGÚ iri aweér ar gawaá huunki, iri axweés nee Mose. Nee qeeru bahh'ale kudá' aáng aa Mose i haniís guri taataáhh, guri haniís dír bariiseedár mibeeri faanqw, qoomár qeeruuwí iwa gawaaín i iwiít, bariiseedá' tari aariirín, ala aariro taa malé ki/iiká.

FAARO 11:29

Ala Mose guri mu/aywaáts, «Ahaá gár kuúng da/i usa ót a milá as aníng? Hamí geera a tsiní AAKOÓ MUNGÚ mukós sleémeero burngwa qeeruuwós i haniís nee tari aaruuse.»

Marko 15:43

Yoséfú Arimatayár daáhh nina hardáh. Inós a heé ilaiwa/amér koóm oo doó kwasleema, nee inós sleeme i waawuti'iimár Mungú daamaarán. Inós guruuwós guna gawdeés iri dáh ay amór Pilato, slaqwtá Yesu gari firín.

Luka 1:41

Elisabeti laawoó Maria nguwa axás, na/oó niiná iri neét baraá guruuwós wa ale, Elisabeti kari hatsiís Qeeruú hhoohhoó' oo Munguhe.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Luka 1:67

Sakaria, baabuú Yohane kuri hatsiís Qeeruú hhoohhoó' oo Munguhe, iri aarín i kaahi,

Luka 2:38

Inós hamtidár kilae nina ti'ít, i Munguú sluufmís. Kángw na/aay guri ó' dír kudá' sleémeero awa harahhifor'ín ngaa qaasiye' gawaá ba/amár Yerusalemu.

Luka 23:51

ala axweesanay'ín kudá' taa tsaát nee tlehhemuuín gwaa ya/aniká. Inós a heé yaamaá Arimataya, gixsár wák ar múk Yahudi. Nee inós waawuti'iimár Mungú gan daamaarán.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

Tlehhema'aá ya/Abuuse 2:5

Baraá gixsár Yerusalemuwo múk Yahudi i deer oo Mungú gwa haratlintii', múk amór yaamaá dimbadimbé daraáhh awa baraakaá' yaamu.

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.