Luka 2:14 - Biblía Axweesantá Hhohho' ar Mungú 2004

¹⁴ «Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Ya/abtór hho' 1977

¹⁴ “I xirfuuti Mungú Gawtí dirií', nee wayda ni baraá yaamí hardihi dír mukdá' aa gurtleemuú i haniís.”

Luka 2:14 Iomraidhean Croise

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

MIKA 5:5

Heewí wayda nguri dir'ín i huuw. Qoomár múk Ashuru birna baraá ayaarén i hardáh, nee yaamuurén biringa kalaá/, atén de'eemuusér faanqw an tsawaaraán, nee geeraharuusér dakaát sleeme, ngiri ya/aawaán as tawa slaqwi.

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydií hardah.»

Luka 19:38

tari káh, «Waawutmo i xirfuuti, kudá' hardáh ar umuú Aako, Wayda gawaá doori nee xirif dír Mungú.»

Luka 2:13

Naxés siiwadár kilae daqtá yaariir ar malaykér gawaá doori ta dinkwa nee malaykamoodá', ta Munguú xirfayeemiis, ta kaahi,

Luka 2:15

Qoomár malaykeedá' iwa gawaá doorí kí/, de'eemuusér aáng tari axweés ta kaahi, «Gimsé', a tlawaán ay Betilehemu, tidá' aa tleehharut, Aako naa atén i oó' a artá awaán.»

Luka 3:22

Qeeruú hhoohhoó' oo Mungú nay aweér gawaawós i alé ar slaqsoó slaqwa adór hhooki, afo nay gawaá doorí wa ilawáts, i kat, «Kuúng a Garmaaeé', sla'aarusmooeé' aníng iga ló'wa qwal/atís.»

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 17:4

Án kuúng ugwa xirfayeés baraaká' yaamuwo, nee gadiyeédá' naa hanís, aga hhe'eés tleehhamooro.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Al'axweesani gana oó' adoorí ngiwa boo/eesi ar baraá Kristo.

Efeso 2:4

Ala Mungú gurtleemuuwós ku úr, nee sla'aarirós ka ur direne,

Efeso 2:7

Adoorí gana tleéhh as ngiwa laqan dír qari sleémeerowo ar hardah adór gurtleemuuwós kur úr direne baraá Kristo Yesuwo.

Filipi 2:11

Nee umuúqo heewo i ooi, «Yesu Kristo a Aako,» as Mungú Baabá kuwa xirfayeesi.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Kolosai 1:20

Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

Geehhoeemaá 5:13

Aluuwo aníng afór mura' sleémeero kudá' taa tleéhh ana axaás, kuduú gawaá doori nee kuduú baraá yaamu, nee tam kuduú baraá guruú yaamu, nee kuduú baraá tlawi sleeme. Muruuwí sleémeero aníng una axamiís tawa daai, ta kaahi, «Kudá' aa iwiit gawaá kitangwduú aleesleemu, nee Deelmoó bee/i, inooín tsuuqa a kooín, nee xirif, nee ilaiwa/ame nee aleesleemu ay alhhe'eesay wasle.»