Luka 19:9 - Biblía Axweesantá Hhohho' ar Mungú 2004

⁹ Yesu iri oó', «Laarí ba/ama naa hardát baraá do'wí, asma heewí sleeme oo tlahhoó Abrahamu.

Ya/abtór hho' 1977

⁹ Yesu iri oó', “Laarí ba/ama naa hardát baraá do'wí alé, asma kwí sleeme a oo tlahhoó Abrahamu.

Luka 19:9 Iomraidhean Croise

Luka 13:16

Ala /ameenirír xwaylár Abrahamu, inós Neetlaangw gana slahh'eemiís kureeri mibaá nee dakaát, ala inós i hariíndaáke kawa hungu/uusi baraá slahh'amuuwihe bál deelór Sabaátoro.»

Luka 13:30

Ga/aawaak baraá kuká' alaá har'a, ta bahh geerií waaraahh. Nee baraá kudá' geeraá har'a, ta bahh alhhe'eesáy kii/.»

Luka 16:24

Daqaarmoodá' iri tseé' amór Abrahamu iwa kaahi, ‹Baabá Abrahamu, án gurtlawáng. Lasaro ya/aaweek ma'aay ngi tikiisi ar diitsarós, tsifrangw'eé' ngu tse'eesi, asma baraakae asla i ló'wa slahh'eemís.›

Luka 16:30

Iri oó', ‹Aasla'áy baabá Abrahamu, asma heé naa didár múk aa qaátl wa kii/, birnga i daqáy, ta hhu'u'ún.›

Luka 2:30

asma ilaaeé' ba/amarók ngaa ariyé',

Luka 3:8

Tlehhma'aá hhu'u'ungwhúng ngu laqaqamá' na tleehhaak. Slám ma baraá munerhúng i kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

Galatia 3:14

Kristo adoorí gana tleéhh, as kahhó' tsuuqaadá' Mungú aa al'axweés dír Abrahamu, xoordu ngiwa i hardihiya' ar loohír Kristo Yesu. Nee sleeme adoorí gana tleéhh as kahhó' atén Qeeruú hhoohhoó' kudá' Mungú naa dirén i al'axweés, kuwa slawaan ar loohír haratlintaao.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Galatia 3:7

Gawaá daanduú axweesantihe kuungá' a tsahhá' asma múk aa haratlintii' an xwaylár Abrahamu.

1 Petro 2:10

Asma kuungá' aáng geeraawo a xooroorooká, ala hám daxta a xoorór Mungú. Kuungá' aáng gurtleemuú Mungú ugwa sleeri'iiká, ala hám daxta gurtleemu ugwa sleeré'.