Luka 19:47 - Biblía Axweesantá Hhohho' ar Mungú 2004

⁴⁷ Nee inós ina baraá Doó Mungú wa intsaahhatimís umuúqo deelooro. Ala kaahamuusér uren ar Mungú nee intsaahhatuusér hara'ayár Mose, nee múk urén oo geeraharuuse loohi kana leelehhiít ar Yesu kur gaasi.

Ya/abtór hho' 1977

⁴⁷ Nee inós ina intsaahhatimís baraá Doó Mungú wa ale umuúqo deelooro. Ala geeraharuusér uren ar saalíngw múk Yahudi nee intsaahhatuusér hara'ayár Musa, nee múk urén oo geeraharuuse loohi kana leelehhiít ar Yesu kur gaasi.

Luka 19:47 Iomraidhean Croise

Matayo 21:23

Yesu iri dáh baraá Doó Mungú. Kaahamuusér uren ar Mungú nee bariisér múk Yahudi Yesu kuri i daqáy qoomár iwa intsaahhatimisi, kuri báy, «Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?»

Matayo 26:55

Siiwadár kilae Yesu boo/aay guri báy, «Ahaá baré ina i haratleeré' ar paangadu nee guhhuli'i, adór múk fisusmoó oohár áw. Umuúqo baalaaro aníng a baraá Doó Mungú wa iwaawiít niwa intsaahhatimaamis, ala kuungá' i uhahinda'aaká.

Marko 11:18

Kaahamuusér uren ar Mungú nee intsaahhatuusér hara'ayár Mosewo kangwdá' kuri axaás, loohi kari leelehhiít ar Yesu kur gaasi. Asma kuna da'ayuút as adoodá' boo/aay sleémeero intsaahhatimisuuwós nguwa waa/oó/.

Marko 12:12

Adór Yesu kur oohi kay leelehhiít, asma slaqsaydá' ira axweés, kuna tsaahh adór heé aa káh tar inooín. Ala boo/aay kuna da'ayuút, ooharo kuri máy tari tláy.

Marko 14:1

Deelo aa mét tsár deelór ur ar Pasaákuwo nee deeloodár Mikaátér taa sluuftisiiká kawa /ayi. Kaahamuusér uren ar Mungú nee intsaahhatuusér hara'ayár Mosewo loohír Yesu kur oohi ar naaqo kari leelehhiít, nee kuwa gaasi.

Marko 14:49

Umuúqo baalaaro án a dirhúng i dirií' baraá Doó Munguhe, niwa intsaahhatimaamis, ala kuungá' i uhahiinda'aaká. Ala tí in tleehharút asma Gooi iwa bo/.»

Luka 19:48

Ala gár ta tleehhi kaa slayká. Asma muu sleémeero axweesanaywós guna ló'wa slaá' axmisuwo.

Luka 20:19

Intsaahhatuusér hara'ayár Mose nee kaahamuusér uren ar Mungú kana tsaáhh gawaá slaqsayqaáqá' aa kaahi, a inooín gin kah. Gawaá adoorihe Yesu kuna loohi leelehhiít ar kur oohi siiwadár kilae, ala muu kuna da'ayumiít.

Yohana 10:39

Loohi kari male leelehhiít ar kur oohi, ala iri dabaaín wa kotsoqoót.

Yohana 18:20

Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Yohana 7:19

Ahaá, Mose hara'aya ngaa dirhúng i haniísiíke? Ala baraahunge tam heé wák oo hara'aya gaa boo/ees i kaahh. Ala kuungá' pa/ángw anír gasa' mus leelehhitá'?»

Yohana 7:44

Bahh'alé baraá boo/aydae Yesu kuri oohár wa slaá', ala heé gwa oh i kaahh.