Luka 19:46 - Biblía Axweesantá Hhohho' ar Mungú 2004

⁴⁶ guri báy, «Kaa gooín, ‹Dooeé' a doó saaliingw.› Hám daxta kuungá' ugwa mar'ír fisuuse tlehhé'.»

Ya/abtór hho' 1977

⁴⁶ guri báy, “Kaa gooín gídaabá, ‘Dooeé' a doó saaliingw.’ Hám daxta kuungá' ugwa mar'ír malguuse tlehhé'.”

Luka 19:46 Iomraidhean Croise

WARA'AMI 93:5

AAKOÓ MUNGÚ kaahirók ar tsáp, nee Do'ók ku ló'wa hhoohhoó' ay alhhe'eesay wasle.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

YEREMIA 7:11

Xaysé', do'owí taa umuuér ateét dír ilaahunge aa warqáyi tawa mar'ír fisuuse? Ga/aawaak anuú kilá' ilaeene kangwsíng ugwa ár. Anuú AAKOÓ MUNGÚ tí ngina oó'.

ESEKIELI 43:12

Ga/aaweek, dabér AAKOÓ MUNGÚ adór i diri' a adoorí: Yaamuudá' sleémeero Doó Mungú ngwa harweeriye' gawaá sagér tlom'i masók a yaamaá ló'wa hhoohhoo'. Adoorí an adór dabér Doó Mungú i diri'.»

HOSEA 12:7

Múk Israeli a adór heé halaanu'uumár tleéhh ar al/ayma, muu gun slaa' nguwa /aytin.

Matayo 21:13

Iri oó', «Kaa gooín, ‹Dooeé' ku bay a doó saaliingw.› Ala hám daxta kuungá' ugwa mar'ír fisuuse tlehhé'.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Marko 11:17

Giri intsaahhatimís iri oó', «Kaa gooinkáhe, ‹Dooeé' ku bay a doó saaliingw dír xoordu sleémeerowo.› Hám daxta kuungá' ugwa mar'ír fisuuse tlehhé'.»