Luka 19:38 - Biblía Axweesantá Hhohho' ar Mungú 2004

³⁸ tari káh, «Waawutmo i xirfuuti, kudá' hardáh ar umuú Aako, Wayda gawaá doori nee xirif dír Mungú.»

Ya/abtór hho' 1977

³⁸ tari káh, “Waawutmo i xirfuuti, kudá' hardáh ar umuú Aako, Wayda gawaá doori nee xirif dír Mungú.”

Luka 19:38 Iomraidhean Croise

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 2:2

Iri ó', «Waawutmooduú múk Yahudi taa laqwaál i amá? Asma atén tsatsee/irós ana araán da/aáw wa ale. Nee atén nguna xirfayeemisuú awaán.»

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Luka 13:35

Qaytsité', Mungú doohúng gwa geexáy. Án a kah, aníng i baloó aanda'aaká daxta ay dír ti oa', ‹Kudá' hardáh ar umuú Aako kwa tsuúq.› »

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Efeso 1:12

Asma a sla'aarirós atén tawa xirfuuwós tleehhitaan baraá Kristowo, ateédá' Kristo ugwa geerií harahhifoórí gaasaan.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 3:10

Gár geeraawo ngusa luú/, a as sagalooarós ar yaariir ngiwa xu'utisi qoomaarihe dír waawitá nee dír kudá' aleesleemuú koomá' baraá yaamaá qeeruuwo ar loohír mukdá' inós gwa haratlintii'.

Efeso 3:21

Mungú i xirfuuti baraá mukose, as adoodá' atén tiwa haragaás nee Kristo Yesu. I xirfuuti umuúqo qarto ay alhhe'eesay wasle. Amin.

Kolosai 1:20

Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.