Luka 19:21 - Biblía Axweesantá Hhohho' ar Mungú 2004

²¹ Asma án kuúng una da'ayuút, as kuúng tawa /akusmo. Asma kuúng an leehhihhiín didaádá' gaa kay qaská, slám a bu'uún didaádá' gár taa dahás iwa kahh.›

Ya/abtór hho' 1977

²¹ Asma án kuúng una da'ayuút, as kuúng tawa /akusmo. Asma kuúng an leehhihhiín didaádá' gaa kay qaská, slám a bu'uún didaádá' gár taa dahás iwa kahh.’

Luka 19:21 Iomraidhean Croise

Luka 19:20

«Heé hatlá' niri hardáh, iri oó', ‹Aáko, boohharók tidá' wák naa aní hanís, areeng. Aníng ana baraá warqamoó i tseék, ngay baáts.

Luka 19:22

Aakoodá' iri oó', ‹Kuúng a lawaalmoó tlaákw. Aníng kuúng u sakwasleemuút ar /aymi'iiwók kwisingá'. Ala kuúng bar xú' aníng a /akusmo, nee an leehhihhiím didaádá' gaa ngiwa qaasiiká, slám a bu'uúm didaádá' niwa dahaasiimiiká,

Rumi 8:15

Asma kuungá' qeeruú lawaali'iima ugwa sleeri'iiká, ala qeeruú taa sleeré', an kudá' kuungá' tawa na/aá Mungú. Gawaá adoorihe atén an ateetimaán, «Baabá, Baabá.»

Rumi 8:7

Asma heé heeuumarós ar tlakweema ga eeharahár, inós nee Mungú a wakaari. Asma heeuumarós hara'ayár Mungú ga iialooeemiská, nee slám ga aleesleeraaká iialooeesaro.

2 Timoteo 1:7

Asma Mungú qeeruú dae ngwa atén i haniisiiká. Gár naa haniís a Qeeruú tawa /uurúr kumiitaan, nee oo sla'aari nee oo qoomoó koóm.

Yakobo 2:10

Hee bar dabe sleémeero gaa óh, ala hara'ayár wák gari sií', inós dabe sleémeero gaa sií'.

1 Yohana 4:18

Baraá sla'aariro dae i káhh. Ala sla'aarír ganaa' dae gan hingés. Asma dae i sakwasleemár koón. Heé da'ayuumiít baraá sla'aariro aa ganaiiká.

Yuda 1:15

Inós nina hardáh as sakwasleema ngiwa tleehhi daanduú muu sleémeero. Mukdá' sleémeero oo Mungú gwa ilaiwawa/iiká guri sakwasleemuut, as daanduú tlehhemi'ii'ín kudá' sleémeero awa qwanaay taa tlehhiít, kudá' Mungú kuwa ilaiwawa/iiká. Kiri malé sakwasleemuut as daanduú axweesanaydá' xaraásl sleémeero oo tlakuuseedá' Munguú ilaiwawa/aaká aa kát daanduuwós i alé.»

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.