Luka 19:14 - Biblía Axweesantá Hhohho' ar Mungú 2004

¹⁴ Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Ya/abtór hho' 1977

¹⁴ Ala múk baraá yaamuudá' heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‘Heewí u sla'aanaaká atén tiwa sawaawuti'i'in.’

Luka 19:14 Iomraidhean Croise

2 SAMUELI 23:7

Heé gi oohár wa slaá' aqo paánga gan kón laqaá magolmoó xa'ano. Mukwí kun qororo'oos ar asla.»

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

Luka 14:32

Barnaxes ngaa ár slaqwara ga aleeslayká, muu gun ya/aaw as wayda nguwa firin dír waawutmoodá' amorqá' wa hi'iít, dír ir amorqá' saáwí kahhi.

Luka 19:13

Qoomár iwa aa'aá kay, lawaaleerós ar mibaangw gari ateét, bohhaá mibaangw awa peésa giri dir'íní hanmiís, iri oó', ‹Bohhuusingá' ar halaanu'usaak ay dír án ni kii/.›

Luka 19:15

«Alaá waawuti'iimarós ngiwa sláy, niri kií/. Hara'aya gari oó' ar lawaaleerós tidá' aa bohhií i hanmiís kawa ateeti, as slaasláwár taa sláy ngiwa xui umuúqo heewo baraá halaanu'uumarose.

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Yohana 1:11

Inós nina ayaawós i hardáh, ala kwa ilaoohiiká nee mukósuú kilá'.

Yohana 15:18

«Kuungá' múk aa haratlintii'iiká burna aáhh, xuaak adór aníng tira qaroó aáhh, qoomár kuungá' nuwa aahhiiká.

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.