Luka 18:5 - Biblía Axweesantá Hhohho' ar Mungú 2004

⁵ Ala kwaalo'oorí aníng i daawitamís. Bira adoorír kumít, aníng alhhe'eesaywo i slaaqatís daawitamisuwo, ala gár kas hhoó' aníng an alee/iís, as hariímarós ngiwa sleer.› »

Ya/abtór hho' 1977

⁵ Ala kwaalo'oorí aníng i daawitimís. Bira adoorír kumít, aníng alhhe'eesaywo i slaaqatís daawitimisuwo, ala gár kas hho' aníng an alee/iís, as hariímarós ngiwa sleer.’”

Luka 18:5 Iomraidhean Croise

NEHEMIA 6:4

Inooín nina kumiitiyé' ya/abibingo ay sagaáwa tsiyáhh as niwa amor'ín kaw. Ala aníng ina mu/aywaáts ar adoodár kilá'.

Matayo 15:23

Ala Yesu gár ngaa báy i káhh. Eeharuuseerós guri i daqeér, guri firiiriín, guri beér, «Ádbaweek, i tleer, asma ti daawitimís ar tsimaahhi.»

Luka 11:8

Án a kah, ala tam heedaádá' tleemu ngu slaiikahe as mikaáteedá' ngiwa haniisár ay, as heedaádá' tawa mulqumoowós, ala as heedaádá' iwa kumiiti firooro, in tláy nee gay haniisár áy hariímaarós tidá' inós i slai.

Luka 18:3

Nee baraá gixsadae /ameenirkar kwaalo'o i deer. Inós gun i kwasleemárií aaeér, as ngiwa alee/iisi dír wakusmoowose, tidá' inós wa hariim ngiwa sleer.

Luka 18:39

Mukdá' aa giirin kuri iigahhaát as iwa xasliiti, ala inós tseeooro iri buúhh, «Garmoó Daudi, án gurtlawáng.»

1 Korinto 9:27

Asma aníng gár ni tuu'uut a slaqwte'eé', nee slaqwte'eé' ngiri baál, as masók anuúwí Ya/abtór hhó' alki/aa/iít amór múk hatlá' i alé, aníng mitiwa sií'.

HAR'OHUUSE 16:16

Umuú deelooro Delila ina kuntaatiín, Samson iri slahhaá' baraá muunaáwose, gwa'ara gari fitlín.