Luka 18:39 - Biblía Axweesantá Hhohho' ar Mungú 2004

³⁹ Mukdá' aa giirin kuri iigahhaát as iwa xasliiti, ala inós tseeooro iri buúhh, «Garmoó Daudi, án gurtlawáng.»

Ya/abtór hho' 1977

³⁹ Mukdá' aa geerí tseewuy kuri iigahhaát as iwa xasliiti, ala inós tseeooro iri buúhh, “Garmoó Daudi, án gurtlawáng.”

Luka 18:39 Iomraidhean Croise

WARA'AMI 141:1

AAKOÓ MUNGÚ, án kuúng u ateét, hardaháng ar gaanslaay. Án kuúng bur ateetiím, afor'eé' iiárií qaaseek.

Matayo 7:7

«Firiiriimé', kuungá' tundu qáy, leelehhiitaak kuungá' a sleerá', ateetimé' afkú dó' wa ale, piindo ka qo duux.

Matayo 8:26

Giri báy, «Mas da'ayuumitá', kuungaásingá' haratlintaao niina.» Siiwadár kilae iri tláy, fur'a nee tlawto giri iigahhaát, umuúqo gaaro iri xaslít.

Matayo 9:27

Yesu iwa didá' wa tláy, iri geerií kumiít, kuri eehár nee múk tsár oo taampu i tseeamín, ta kaahi, «Garmoó Daudi atén ti gurtleer.»

Luka 11:52

«Kuungá' intsaahhatuusér hara'ayár Mose, a tsaxwaahúng, asma kuungá' gweermór xu'utír mura' aga hayoté', ala kuungá' kilá' muruudá' ugwa gaárií xui'iiká kuwa xua', slám mukdá' muruudá' xu'utír wa slaá' ugwa ila/é'.»

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Luka 18:15

Na/aá ninakw kina amór Yesú ii huúw as dabaawós ngiwa gawaaínií qaasi nee ngiwa tsuuqi. Ala eeharuuse adoodá' ngiwa aán, mukdá' na/aá koóm guri iigahhát.

Luka 18:38

Tseeo gari iimu/ún, iri oó', «Yésu, Garmoó Daudi, án gurtlawáng.»

Luka 18:40

Yesu iri sihhiít iri oó', «Huwaare' amor'eé' alé.» Qoomár iwa tseewúy dír Yésú ii alé, Yesu iri oó',

Luka 19:39

Múk Farisayo bahh'alé oo baraá boo/aydií dirií' tari oó', «Intsaahhatusámo, eeharuuseerók ádbaweek iwa xaslit.»

Luka 8:49

Yesu iwa dír axweesantadí kahhi, hee nina hardáh oo amór doó heedá' úr oo doó saalíngw daáhh, i kaahi, «Dasiirók aa gwá'. Intsaahhatusmo mu tawó daawiitamisaar.»

2 korinto 12:8

Gawaá daanduú gaarihe aníng Aako una firiím sagaáwa tám wa ale, as gaarí iwa qutl dir'eene.