Luka 18:30 - Biblía Axweesantá Hhohho' ar Mungú 2004

³⁰ inós muruú yaariír gun ak sláy hám baraá yaamuukae, nee baraá yaamaá hatlae slafíngw alhhe'eesay wásl gu sláy.»

Ya/abtór hho' 1977

³⁰ inós muruú yaariír gun ak sláy hám baraá yaamuukae, nee baraá yaamaá hatlae slafíngw alhhe'eesoó koomaaká gu sláy.”

Luka 18:30 Iomraidhean Croise

YOBU 42:10

Alaá Yobu mukdá' nguwa hhe'eés aleefirooro, AAKOÓ MUNGÚ Yobu guri adoodár aángí ki/ís, guri muruuwósí ki/ís sleémeero kuduú aáng ba/a sagáwa tsár wa ale.

WARA'AMI 119:103

Axweesantók aga tsaáq i tsú', i nuqnúq adór danuú ba'ari ba/a.

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:127

Gawaá adoorihe hara'ayarók a slaá' sahaábu ba/a, tam sahaábu hhoohhoó' ba/a.

WARA'AMI 119:162

Aníng axweesantók an saqwalalaá/, adór heé haasaángú yaariír gwaa slay.

WARA'AMI 119:72

Dabeerók tidá' taa qás ka aníng wa hhoo', ta daqaari'iimár baraá yaamuwo.

WARA'AMI 37:16

Daqaari'iimár niina ar heé hhoó' i kon ka afhhamít ta ak daqaari'iimár yaariir ar múk tlakwe.

Matayo 12:32

Umuúqo heewo oo /aymuú /ooslima gu oó' daanduú Garmoó Heewo ku gurtláy. Ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe, ku baloó gurtlayká baraá yaamuukae, tam baraá yaamuudá' xaw'a.»

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.

1 Timoteo 6:6

Ala ar ló', ilaiwa/amér Mungú i slaasláwár yaariír huwahúp dír heewo, hee barnaxes ku yaanda hhoó' baraá tidá' i kona.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.