Luka 18:14 - Biblía Axweesantá Hhohho' ar Mungú 2004

¹⁴ Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Ya/abtór hho' 1977

¹⁴ Án a kah, kwí iri waátl amór do'ós, kwí kilós an kudá' taa gan'ámkwí harafaár. Asma kudá' ti ureemiís kilós alé, ku niinawees, nee kudá' ti kilós niinaweemiís, ku urees.”

Luka 18:14 Iomraidhean Croise

YOBU 22:29

Asma Mungú múk daara/aám gu daahh, Ala kudá' tsatsaa'aren ki ba/amis nee Mungú.

YOBU 25:4

Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

YOBU 9:20

Aníng tam dakuús a koomakahe /aymi'iieé' awa kilá' inqo sakwasleemuutiyá'. Aníng tam tlakweemaá koomaakahe inós bira xuuxuú', aníng aqo tlakusmo.

WARA'AMI 138:6

AAKOÓ MUNGÚ tam i gáwtí dirii'i, kudá' ti niinawemiís gu ga/áy, ala kudá' daara/aám inós gu qaro xuu' amór saáw wa ale.

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

AXWEESANOÓ SAGALOOA 15:33

AAKOÓ MUNGÚ bur ilaiwaawá/ a sagalooa kan intsaahhatamis, nee heé ti kilós niinawemiís ilaiwa/ame ga aluú wa sláy.

AXWEESANOÓ SAGALOOA 18:12

Dír heé ira hhiturutiiká in ala geerií daara/uut, dír hee kura ilaiwawa/iiká tin ala niinawees.

AXWEESANOÓ SAGALOOA 25:7

Asma a gár hhoo' tuwa bay, «Gám qwaláng geeri waaraahhang,» ta tuwa hingeesi, turi alaá múkií huuw.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

AXWEESANOÓ SAGALOOA 3:34

Looeemaawo múk waaqaqaá' inós gu waaqaqaa'. Ala múk tsaén gu gurtleemuú wá araa'ar.

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

HABAKUKI 2:4

Gár ta gooiin a tí: ‹Múk tlakweemaá tlehhaahhiít ga/a/awaagáy i xayká. Ala heé gan'amuú koóm gár ir slafi a haratlintaao.› »

Matayo 23:12

Umuúqo heewo oo ti kilós ureemiís ku niinawees, nee kudá' ti kilós niinaweemiís, ku urees.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Luka 1:52

Waawitá gwa hingeés baraá waawuti'iimar'ine. Kudá' liitlakwen gaa uráy haniís.

Luka 10:29

Ala heedá' tina kilós gan'amií harafaár, iri Yésú yaahaás, «Ahaá, inslaawmooeé' a heemá?»

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 4:5

Ala a gár dimbé dír heedaádá' tlehhma'aá koomaakahe, ala gár i kon a Mungú guna haratlintií', Munguúdá' heé tlakusmo gu gan'amií harafaár. Heé adoorí Mungú gun gan'amií harafaar as haratlintaaoorós.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 8:33

Heé mukdaádá' Mungú aa tsawaár gu sakwasleemuút a heemá? Mungú an kudá' gi gan'amuú i harafadiít.

Galatia 2:16

Ala atén a xuaán adór hee kur gan'amií harafaariiká as hara'aya ngiwa eehár, ala hee kun gan'amií harafaar as Yesu Kristo nguwa haratlintií'. Atén sleeme Kristo Yesu una haratlintiiaán as tiwa gan'amií harafaari, as Kristo kuwa haratlintiiaán, ala as tlehhema'aá hara'ayaarooká. Asma heé ta gan'amií harafaari as hara'aya ngiwa eehár i kaahh.»

Yakobo 4:10

Ti niinaweese' dír geeraá Aakoowo, daqaní inós kuungá' nu ureemiis.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

1 SAMUELI 1:18

Inós iri ó', «Sagadiyuso'oorók ya/aám ngi sleer dír ilaawoge.» Naagáy /ameenidá' iri tleér, iri /ayiín ar muunuú /awaák, tam gitsee/awós nay gwa/aatiyé'.