Luka 18:13 - Biblía Axweesantá Hhohho' ar Mungú 2004

¹³ «Ala ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‹Mungú, án gurtlawáng! Aníng a heé tlakweemaá koóm.›

Ya/abtór hho' 1977

¹³ “Ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‘Mungú, án gurtlawáng! Aníng a heé tlakweemaá koóm.’

Luka 18:13 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

2 QOM'I 33:23

Inós taa niinaweesiiká dír AAKOÓ MUNGUHE, adoodá' baabuúwós Manase tira niinaweés, ala Amoniwí tlakweema tlehhtuuwo gina inkaakií/.

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

WARA'AMI 106:6

Atén nee xwayliiteérene tlakweema iga tleehhaán, iringeé aga tleehhaán, atén aga dakuusaán.

WARA'AMI 119:41

AAKOÓ MUNGÚ sla'aarirók ar warqawaaká laqaamang, ba/amisáng adoodá' kara ó'.

WARA'AMI 130:7

Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

WARA'AMI 25:11

Aá AAKOÓ MUNGÚ, tlakweemaaeé' gurtlaweek as umuuwók, asma tlakweemaaeé' ki yaariir.

WARA'AMI 25:7

Tlakweemaeé' nee dee/aanuueé' awa iimír án tawa masoomo mi inslawaar, aá AAKOÓ MUNGÚ, án inslawáng ar har qoomoó sla'aarirók ar warqawaaká asma hhooeemawók.

WARA'AMI 40:12

Asma tlakwér faarooro ta aleeslayká aníng iga harwét, tlakweemaaeé' iga nagwaahhiyé', tam gár ni ar i káhh. Tlakweemaeé' naa ló'wa tlahhiyé', se'éngw sagw'eé' ba/a, /uuruú nir kumiit i kaahh.

WARA'AMI 41:4

Aníng nari oó', «AAKOÓ MUNGÚ, aníng gurhhooár i tleehháng, aníng hungu/uusáng, asma aníng kuúng ugwa tlakweemaá i tleéhh.»

TI'INAANGW 33:10

Qoomár muu sleémeero uhmooduú huunki bur kwa ár aa sihhiít dír afkú heémár Mungú, muu sleémeero in tláy, umuúqo heewo iri tumbarara'aat dír afkú heémaarós.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

DANIELI 9:5

«Tlakweema iga tleehhaán nee aga dakusaán, muruú tlákw ugwa tleehhaán nee aga dee/anutaán. Hara'ayaarók nee dabeeroge aga siaán.

Matayo 10:3

nee Filipo nee Bartolomayo, nee Tomas, nee Matayo, kuduú ohomusmoó koódi, nee Yakobó Alfayo, nee Tadayo,

Matayo 6:5

«Slám bar kuungá' Munguú firiiriindá', masók a adór hhaahhafuuseerooká. Asma inooín tan firiirín tawa sihhimiiti baraá maraá saaliingo, nee baraá afaá lohuwo, as muu ngiwa ara'ari. Án a kah, bu'utuuín ngwa qaroó slayé'.

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Marko 11:25

Kuungá' umuúqo bara sihhité' as tawa saaliinda', barnaxes gár hee nuwa sadakuús i deer, gurtlawaak, as Baabuúhúng oo gawaá doori tlakweemaahúng ngiwa gurtlay. [

Luka 17:12

Iwa dáh baraá gixsarka niina, múk mibaangw oo tiqtír tsatimit tiri doogiyé' nee inós. Inooín tari sihhiít amorqií alé,

Luka 22:41

Inós tiri paraátl dir'ine, iri geerií hi'iít gár niinawe har qoomoó tlaa/anoó taa tsaxaár iwa hardihi, iri tumbarara'aát, iri firín, iri oó',

Luka 23:48

Múk yaariír aa didí burumburiít as tidá' tleehharuumiit kawa ga/ay. Nee tidá' aa tleehharut kawa ár, tari waátl, ta hara da/ewer'ín pupuxuumiis as gurhaami.

Luka 5:8

Simon Petro adoodá' ngiwa ár, iri tumbarara'aát dír ya'aá Yesu, iri oó', «Aáko, dir'eene quútl, asma aníng a heé tlakusmo.»

Tlehhema'aá ya/Abuuse 2:37

/Aymi'iiká' kiwa axaamiís, muner'ín kari kwatiít ló'wa ale, Petro nee ya/abuusér hatlá' kay yaahamiís tari oó', «Hhaeerén atén adór ta laqaan?»

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

2 korinto 7:11

Ga/aawaagáy, gurhaamirí Mungú aa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' adór gár hhoo' kara tlehhé' baraá kaangwihe.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

Ebrania 8:12

Asma aníng tlehhmi'ii'ín awa tlakw i gurtláw, nee tlakweemaaín ngiri baloó inslawaaká.»