Luka 18:11 - Biblía Axweesantá Hhohho' ar Mungú 2004

¹¹ «Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Ya/abtór hho' 1977

¹¹ “Heé Farisayo ina sihhiít, iri adoorír firín kilós alé, ‘Mungú, án kuúng u sluufimiís, asma aníng a adór múk hatlaeeká, a adór malguuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Luka 18:11 Iomraidhean Croise

WARA'AMI 134:1

Qwalaasé', kuungásingá' sagadiyuusér AAKOÓ MUNGÚ, AAKOÓ MUNGÚ xirfayeemisaak kuungá' sleémeero awa gadiyuusá' xweeraawo baraá Doó AAKOÓ MUNGÚ wa ale.

WARA'AMI 135:2

Kuungásingá' AAKOÓ MUNGÚ sagadiyuusá', AAKOÓ MUNGÚ xirfayeemisaak, nee awa baraá matla/ángw doó Munguúrén i diriiá'.

AXWEESANOÓ SAGALOOA 20:6

Múk yaariír inkihhimuuín ngun kilooín alki/iitiyá', Ala heé inkihhím ar tsáp dír kuwa slay?

AXWEESANOÓ SAGALOOA 30:12

Mukko i deer oo ti hhoohhooeemiís ar afer'ín Ala iringér'ín kaa hamaatliiká.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 58:2

Tam adoorihe umuú deelooro in i hardarahiyá' iwa firirina' nee loohir'eé' xu'utiro ngiwa slaiya', baré kwaáo' inooín an xoorór hota ganaa' nee ar dabér Munguúín gaa si'ká. Inooín aníng in slaiyá' kwasleema ngiwa adór ganaá' ar tsaat, nee kwaáo' Mungú nguwa i tseewuya' ngi slaiyá'.

ISAYA 65:5

Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

YEREMIA 2:28

Ala munguiihúng kudá' taa tlehhé' as kuungá' i amoomá? A xáy gimsé', bundu aslayá' /iisaro nu alee/iisiyé' qoomár slahh'amuhunge. Kuúng Yúda, munguaá yaariir in koón adór gixsadaá ayaawók.

YEREMIA 2:35

Kuúng a kat, Aníng gár tlaakw naa tleéhh i káhh, looeemawo buhhtaawós i kumiitiaaká amor'eene. Ala aníng kuúng u sakwasleemuút asma a kat, Tlakweema iga tleehhiiká.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

Matayo 10:3

nee Filipo nee Bartolomayo, nee Tomas, nee Matayo, kuduú ohomusmoó koódi, nee Yakobó Alfayo, nee Tadayo,

Matayo 5:20

Án a kah, slafingwhúng barnaxes ku hhohhoeeká ta slafíngw intsaahhatuusér hara'ayár Mosewo nee múk Farisayowo, kuungá' a baloó data'aaká baraá waawuti'iimár dooriiwo.»

Matayo 6:5

«Slám bar kuungá' Munguú firiiriindá', masók a adór hhaahhafuuseerooká. Asma inooín tan firiirín tawa sihhimiiti baraá maraá saaliingo, nee baraá afaá lohuwo, as muu ngiwa ara'ari. Án a kah, bu'utuuín ngwa qaroó slayé'.

Marko 11:25

Kuungá' umuúqo bara sihhité' as tawa saaliinda', barnaxes gár hee nuwa sadakuús i deer, gurtlawaak, as Baabuúhúng oo gawaá doori tlakweemaahúng ngiwa gurtlay. [

Luka 20:47

Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Kuká' sakwasleemár ur ngi slayá'.»

Luka 22:41

Inós tiri paraátl dir'ine, iri geerií hi'iít gár niinawe har qoomoó tlaa/anoó taa tsaxaár iwa hardihi, iri tumbarara'aát, iri firín, iri oó',

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

Filipi 3:6

Ilakaaharu una ló'wa tleéhh gawaá daanduú hara'aya ooharo, tam múk kríshaanáy nguri slahh'eemiís. Geera barnaxes hotaá ganaa'á' kin slaslaya ar hara'aya boo/eesa, geera alók aníng ti xaslxaansli wásl.

Geehhoeemaá 3:17

Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.