Luka 17:28 - Biblía Axweesantá Hhohho' ar Mungú 2004

²⁸ Nee sleeme an adoodá' qoomár Lotiwo. Muu ina /ayín nee tana wahán, ina tlaxún nee tana muruú weerimiís, ina dahaasín nee tana maraá tlehhiít.

Ya/abtór hho' 1977

²⁸ Nee sleeme an adoodá' qoomár deelór Lutuwo. Muu ina /ayín nee tana wahán, ina tlaxún nee tana muruú weerimiís, ina dahaasín nee tana maraá tlehhiít.

Luka 17:28 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

YEREMIA 50:40

Adoodá' aníng gixsadaá Sodoma nee Gomora nee gixsadaá inslaaway'ín ngira hhitiím a adoorír kilá' heé baraadá' i hotaá áw i kaahh. Nee garmoó hee oo baraadá' i deél i kaahh. Anuú AAKOÓ MUNGÚ tí ngina oó'.»

Matayo 21:12

Yesu iri dáh baraá Doó Mungú, muu sleémeero, kudá' muruú weerimiís nee kudá' muruú tlaxuuma guri baraá Doó Mungú wa gusiisín. Meesadaá múk peésár gaamiís giri /aankwartsín, nee kiteeraá múk hhookár weerimiisa.

Luka 17:27

Asma qoomár de'emaá Noawo muu ina /ayín nee ina wahán, slám tana duuxuuxún nee kina duxuút, tam ay bál Noa iwa dáh baraá miringamo, nee tluwoó da/atén nay hardáh, mukdá' sleémeero guri hhaamiís.

Luka 17:29

Ala bál Loti iwa ti'iít baraá gixsár Sodomaro, asla nina /ét gawaá doorí wa ale adór tluwaay, dinkwa nee tlaa/aá asltá koomá', nee muu sleémeero kuri hhaamiís.