Luka 17:27 - Biblía Axweesantá Hhohho' ar Mungú 2004

²⁷ Asma qoomár de'emaá Noawo muu ina /ayín nee ina wahán, slám tana duuxuuxún nee kina duxuút, tam ay bál Noa iwa dáh baraá miringamo, nee tluwoó da/atén nay hardáh, mukdá' sleémeero guri hhaamiís.

Ya/abtór hho' 1977

²⁷ Asma qoomár de'emaá Nuhuwo muu ina /ayín nee ina wahán, slám tana duuxuuxún nee kina duxuút, tam ay bál Nuhu iwa dáh baraá guruú miringamo, nee tluwoó da/atén nay hardáh, mukdá' sleémeero guri tsuú/.

Luka 17:27 Iomraidhean Croise

IIMU/UUNGW 7:23

AAKOÓ MUNGÚ umuúqo gár slafa daanduú yaamuwo gana adoorír hhaamiís, muu, nee makaay, nee muruú gur'eérár hi'iimita, nee tsir/o sleémeero, gina hhaamiís gawaá daanduú yaamuwo. Ala Noa kilós iri meét, nee kudá' nee inós dinkwa baraá miringamoowo.

IIMU/UUNGW 7:7

Noa iri dáh baraá miringamo, nee daaqaywós nee aamaarós, nee tlaawoó daaqaywose, as tawa /uy ma'aá tluuwaydá' hardaha.

ISAYA 21:4

Inslaway'eé' i amoqwaqwadín, daér yaariir iga eér, tsiindo in daamaraám, ala niwa hardihiyé' ana ak daaraáx.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

Matayo 22:30

Asma alaá waasle/uuwo muu i duuxuxunká, nee /ameena ka duxuutiiká. Asma inooín a adór malayke gawaá dooriwo.

Luka 17:26

Adoodá' aa tleehharut deelór Noawo, an adoodá' tleehharuut bál deelór Garmoó Heewo.

Luka 17:28

Nee sleeme an adoodá' qoomár Lotiwo. Muu ina /ayín nee tana wahán, ina tlaxún nee tana muruú weerimiís, ina dahaasín nee tana maraá tlehhiít.

1 SAMUELI 30:16

Garmaadá' Daudi guna geerahaár ay dír daqtidá' i diri'. Tawa amoodár daqtidií ti'iít, naxés daqtá aáng aa tsiyayaaxát yaamuudaádae, ta /ayín nee ta xufiit, asma haasaánguú tinda huúw yaamaá Filistír wa ale nee yaamaá Yudawo ku yaariír.