Luka 17:20 - Biblía Axweesantá Hhohho' ar Mungú 2004

²⁰ Múk Farisayo Yesu guri yaahaás, «Waawuti'iimár Mungú xaylá ni hardát?» Yesu giri báy, «Waawuti'iimár Mungú binda hardát a aanda'aaká ar ila'.

Ya/abtór hho' 1977

²⁰ Múk Farisayo Yesu guri yaahaás gídaabá, “Waawuti'iimár Mungú xaylá i hardát?” Yesu giri báy, “Waawuti'iimár Mungú binda hardát a aanda'aaká ar ila'.

Luka 17:20 Iomraidhean Croise

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

Luka 10:11

‹Tam teerír baraá gixsarhúng ar ya'aarén gaa leer, ngi kuukuuaán amorhúng i alé. Ala tí xuaak, waawuti'iimár Mungú naa tseewuúr.›

Luka 14:1

Looarka wake Yesu ina /aymár áy dír doó heeko úr oo múk Farisayo, baalaadá' a deelór Sabaáto. Muu gu hara gigidín.

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Luka 19:11

Axweesantí axaasaro kawa hhe'eés, Yesu iri axweés ar slaqsaay, asma ina tseewúy bihhaá gixsár Yerusalemu, nee inooín geera ka xui waawuti'iimár Mungú aa naká/ iwa geehhouur ar gaanslaay.

Yohana 18:36

Yesu iri oó', «Waawuti'iimar'eé' ar baraaká' yaamuuwooká. Waawuti'iimar'eé' geera bar ar baraaká' yaamu, eeharuuser'eé' geera án iga aleesláqw, aníng mitiwa haniís amór múk Yahudi. Ala waawuti'iimar'eé' ar baraaká' yaamuuwooká.»