Luka 17:10 - Biblía Axweesantá Hhohho' ar Mungú 2004

¹⁰ Gawaá adoorihe kuungá' sleeme tidá' sleémeero tunda báy, tleehhamooro bara hhe'esé', ta oa', ‹Atén a lawaaleedá' gídaabár koomaaká. Aqo tidá' atén wa hariim ana tleehhaán.› »

Ya/abtór hho' 1977

¹⁰ Gawaá adoorihe kuungá' sleeme tleehhamooro bara hhe'esé', tidá' sleémeero tinda kuungá' báy, ta oa', ‘Atén a lawaaleedár gídaabár koomaaká. Aqo tidá' atén wa hariím ana tleehhaán.’”

Luka 17:10 Iomraidhean Croise

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

Matayo 25:30

Nee lawaalmooduú ado wásl amór saaw ti kwahhe', baraá giwtír tsee/a. Didaádá' an dír tawa /aa/amin nee sihhina' kiwa qirirtlimiisi.› »

Luka 17:11

Qoomár Yesu iwa Yerusalemúr kay, ina waaraáhh ar baraá tla/ángw Samaria nee Galilaya.

Luka 17:9

Xáy, lawaalmoodaádá' u sluufísa, asma tidá' kwa beér ngiwa tleéhh?

Rumi 11:35

Heé inós gwa gaárí haniis a heemá as inós kuwa bui aluuwo?»

Rumi 3:12

Muu sleémeero aa paásl baraá loohír Munguhe, sleémeero naa qwaariyé'. Heé hhooeema gi tlehhiít i kaahh tumu wák.

Filemoni 1:11

Inós bál geera kuúng ugwa gaa wa buuiiká, ala hamí u ló'wa gaa wa buu', kuúng nee aninge.