Luka 16:9 - Biblía Axweesantá Hhohho' ar Mungú 2004

⁹ «Án a kah, daqaari'iimár baraá yaamu ar gadiyuusaak as mulqe kawa sleera'. Daqaari'iima bira fák, mulqeedá' daqaní nu ilaót baraá hotaá kureerisleeme.

Ya/abtór hho' 1977

⁹ “Án a kah, daqaari'iimár baraá yaamu ar gadiyuusaak as mulqe kawa sleera'. Daqaari'iima bira fák, mulqeedá' daqaní nu ilaot baraá hotángw kureeriisleeme.

Luka 16:9 Iomraidhean Croise

WARA'AMI 73:26

Slaqwte'eé' nee muunaáeé' i /aaruyá'. Ala Mungú a /uuruú muunaáeé', nee an kwe'eé' ay alhhe'eesay wasle.

AXWEESANOÓ SAGALOOA 14:24

Slamángw heé sagaloó' a daqaari'iimarós, Ala slamángw daktani a daktu'uumarós.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

AXWEESANOÓ SAGALOOA 23:5

Asma tawa qaytsita daqaari'iima aa fák, Ila nee tí gár ta aan kwaáo ina tleér ar hhampe'eeri papáh gan ó', adór gwareesír gawaá doori.

DAHARUSMO 11:1

Kuúng masók tu gurhhoó', asma alaá deelór niinawe tu buu'.

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

Matayo 19:21

Yesu guri báy, «Barnaxes kuúng a heé ganaá' tlehhitár wa slá', tláw, muruudá' ta koon weeriseek, peésaadá' ka hanís dír narkuute, daqaní aníng ir eehát. Kuúng daqaari'iimarók a gawaá doorií eér.»

Matayo 6:19

«Daqaari'iimarhúng ma baraá yaamií qamiimara', didár babi nee kútu ngiwa hhitina', nee didá' fisuuse ngiwa hara dat gari fís.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 14:14

Kuúng daqaní amohhooa a sleér, asma kuká' gár ur buiya' i káhh. Bu'utuuwók a bál waasle/uú múk gan'amuú koóm.»

Luka 16:11

Gawaá adoorihe, kuungá' bar inkihhimuú koonda'aaká baraá daqaari'iimarír baraá yaamuukae, daqaari'iima tidár ló' heé ngi dirhúng i saayiím a heemá?

Luka 16:13

«Heé daqaarér tsár i lawaali'iitaro ga asláw i kaahh. Asma kooko gu aahh, kuqá' gway slaa', laqaá nee kooko ti oohiyá', kuqá' gway waaqaqaa'. Mungú nee daqaari'iima i lawaali'iitaro i aleesleera'aaká.»

Luka 16:4

Hám daxta an fuqriím, as kahhó' bira hingeés gadiyeede, múk hatlá' iwa ilaaoohi.›

Tlehhema'aá ya/Abuuse 10:31

iri báy, ‹Kornelío, firoorók kaa axaás nee ilahhooarók Mungú ga gunqareesiiká.

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.