Luka 16:8 - Biblía Axweesantá Hhohho' ar Mungú 2004

⁸ «Saayusmoodá' inkihhimu wásl taa daqaari'iimár i saayín, kuri xirfayeés nee daqaarmoowós, asma fuqurangwdá' aa tleéhh. Asma múk baraá yaamuuká' ta fuqurángw kón baraá slafingw'ine, ta mukduú baraá gwa/aateemaawo.

Ya/abtór hho' 1977

⁸ “Heeduú malgusmo oo taa daqaari'iimár i saayín, kuri xirfayeés nee daqaarmoowós, asma fuqurangwdá' aa tleéhh. Asma múk baraá yaamuuká' ta fuqurángw kón baraá slafingw'ine, ta mukduú baraá gwa/ateemaawo.

Luka 16:8 Iomraidhean Croise

IIMU/UUNGW 3:1

Ala dayshamo ku ilakahaár ta makaá sla/a sleémeero ba/a, kudá' AAKOÓ Mungú aa tleéhh. Inós /ameeni gari báy, «Xáy, adoorí an adór Mungú aa oói iwa kaahi, ‹Mamaá xaai sleémeero awa baraá asalmií diriiá' mi /ayaara'.› »

2 SAMUELI 13:3

Ala Amnoni i mulqumoó kón, ku bay Yonadabu, garmoó Shama, hhiyoó Daudi. Yonadabu a heé kángw kilá' wa fuqurángw koóm.

2 WAAWITÁ 10:19

Aaruusér Ba'ali sleémeero ateetare', nee eeharuuseerós sleémeerowo nee kaahamuuser'ine. Umuú hee tumu wák miwa paá/ hardahamuuwo, asma aníng ilahhooár ur a muruú ta tsu/i dír Ba'alí haniisár wa slaá', nee heé aa paa/ a gaasa.» Ala Yehu adoorí gana tleéhh as aaruuse nee eeharuusér Ba'ali ngiwa slay.

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

TI'INAANGW 1:10

Gimsé' i fuqurángw i tleehhaán mindiwa dooginé', slám bar slaqwara naa ti'ít inooín tan bartá wakuuseerén áy, atén tiri i slaaqw niri /akumiitiyá' baraá yaamuurene.»

AXWEESANOÓ SAGALOOA 12:8

Hee kun xirfayees ar qoomoó fuquraangós, Ala heé saga gawít kun waaqaa'.

Matayo 12:32

Umuúqo heewo oo /aymuú /ooslima gu oó' daanduú Garmoó Heewo ku gurtláy. Ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe, ku baloó gurtlayká baraá yaamuukae, tam baraá yaamuudá' xaw'a.»

Matayo 17:26

Petro iri oó', «A dír dahaaye.» Yesu iri oó', «Ala bar adoosíng, na/ii ki amohhoo'.

Luka 16:10

Heé inkihhimuú koóm baraá gár niinawe, tam baraá gár ure sleeme i inkihhimuú kón. Nee heé inkihhimuú koomaaká baraá gár niinawe, tam baraá gár ure sleeme i inkihhimuú konká.

Luka 16:4

Hám daxta an fuqriím, as kahhó' bira hingeés gadiyeede, múk hatlá' iwa ilaaoohi.›

Luka 16:7

Oo hatlá' guri báy, ‹Kuúng gár tuwa iinuusi?› Iri oó' katatoó tsiiru oo angaáno. Guri báy, ‹Slambaree/irók taataahheek, mibeeraá dakaát gooimeek.›

Luka 18:6

Aako iri oó', «Har'ohusmoodá' gan'amuú tlehhiitaaká ugwa axasí'iíke adór aa káh.

Luka 20:34

Yesu giri báy, «Múk yaamuuká' i duuxuxún nee ki duxuut.

Luka 20:35

Ala kudá' hariimá' waasle/atisaro nee tawa baraá slafingwdá' hardáh wa hooti, inooín ta duuxunká, slám ki duxuutiiká.

Yohana 12:36

Qoomaarí gwa/aateema kiwa koonda', gwa/aateemaaká' haratlintiaak, as tawa múk gwa/aateemaaká' tleehhita'.» Yesu adoorí gari oó', iri tláy, iri nahhaatár áy, as mukuwa ár.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

1 Tesalonike 5:5

Asma kuungá' sleémeero a múk gwa/aateema, nee múk tlaatla/aangw. Atén a múk xweeraawooká, laqaá a múk giwtirooká.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.