Luka 16:3 - Biblía Axweesantá Hhohho' ar Mungú 2004

³ Aluuwo heedaádá' iri baraá muunaáwósí oó', ‹Adór ni laaq a adoomá? Asma daqaarmooeé' kwí i hingeemiis baraá gadiyeérose. Doosla a aslawká. Firooro a muruumiít.

Ya/abtór hho' 1977

³ Heedaádá' iri oó' baraá muunaáwós i alé, ‘Adór ni laaq a idoomá? Asma daqaarmooeé' kwí i hingeemiis baraá gadiyeérose. Doosla a aslawká. Firooro a muruumiít.

Luka 16:3 Iomraidhean Croise

ESTA 6:6

Hamani iri dáh waawutmo guri báy, «Heé waawutmo i uráy haniisár wa slai gár kwi tleehhi a milá?» Hamani iri baraá muunaáwósí oó', «Heé waawutmo i uráy haniisár wa slai ta aninge a heemá?»

AXWEESANOÓ SAGALOOA 13:4

Tli/usmo gaa gan mak ilis ala ga slayká, Ala heé ilakaahaár i daqaari'iit.

AXWEESANOÓ SAGALOOA 15:19

Tli/usmo loohirós laqaya' ngi al ti'iitiyá', Ala loohír heé hhoó' ka iintlaaxw.

AXWEESANOÓ SAGALOOA 18:9

Heé tli/usmo baraá gadiyeede, a daa'awmoó heé hhitusmo.

AXWEESANOÓ SAGALOOA 19:15

Tli/a hee gu saaqír ar eér, nee heé tli/usmo slahh'amuú qwari gu tsaaq.

AXWEESANOÓ SAGALOOA 20:4

Tli/usmo buhareewo doosla ga ya/anká, qoomár fiiqituuwo gan mak leelehhtuú áy ala ga slayká.

AXWEESANOÓ SAGALOOA 29:21

Heé lawaalmoowós gwa taqna/uy iimír na/uumár wá ale Alér tlede ku aal nee lawaalmoodá'.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

HOSEA 9:5

Bál deeloodá' ur ar AAKOÓ MUNGÚ adór ta laqa', tidá' taa amohhe'eés laqaá baalaadár muruú /aymár AAKOÓ MUNGÚHE.

Matayo 20:8

«Qoomár looa iwa dát, aakooduú qaymo loó' sageesihhitusmoowós guri báy, ‹Doosluuse ateeteegáy, bu'utuuín haniiseek. Bu'utu ku iimu/uún dír kudá' naa aluú wa hardah, nee daqaní ku alhhe'és dír kudá' naa geerií hardah.›

Marko 10:46

Tari hardáh Yeriko. Yesu nee eeharuuseerós tari malé Yerikó wa tláy, dinkwa nee boo/oó úr. Bartimayo, garmoó Timayo, kuna afaá loohírií áy, i iwiwiit. Inós an kudaáduú taampa oo múk firaariím.

Luka 12:17

Iri kilós baraá muunaáwósí oó', ‹Adór ni laaq a adoomá? Asma dír balangw'eé' nguy qaas i káhh.›

Luka 16:2

Guri ateét guri báy, ‹Kaangwí muu i kaahi daanduuwoge a umós? Xáda, faarór muruueé' sleémeero diirí laqaamang. Asma kuúng a sangw kumitaká gadiyeésinge.›

Luka 16:20

Narkutmooko ta bay Lasaro kun afkú do'ós i haahuuw, i inkahha'aá yaariír kón.

Luka 16:22

«Narkutmoodá' iri gwaá', malayke guri húp ay dír geeraá Abrahamu. Daqaarmoodá' iri gwaá' sleeme, kway foól.

Luka 16:4

Hám daxta an fuqriím, as kahhó' bira hingeés gadiyeede, múk hatlá' iwa ilaaoohi.›

Luka 18:4

Nee har'ohusmoodá' iri ala sií', aluuwo iri baraá muunaáwósí oó', ‹Aníng a Mungú ilaiwa/aa/ataaká, slám muu u gaárí xuaaká.

Yohana 9:8

Inslaawaywós kudá' aáng gu xuú' adór heewí tar heedaádá' firaariím, tari oó', «Ahaá, heewí a kudá' iwaawiítaáke nee oo firaariím?»

Tlehhema'aá ya/Abuuse 3:2

Heeko taqoormo iimír kuwa laqwaali kuri afkú Doó Mungú i áy, afkú do'dá' ta bay oo Hhoohhoó'. Heewí umuúqo deelooro kun gagaraarín didií ale, as ilahhooa ngiwa firirin dír mukdá' baraá Doó Mungú i daráh.

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

2 Tesalonike 3:11

Ala daxta hamí aga axaasaán adór baraá tla/angwhunge mukko ir deér oo tli/uuse. Inooín gadiyér i tleehhiya' i káhh, ala gár i tleehhiya' a gadiyeedaá muu ngin amoqwaaremisiyá'.