Luka 16:29 - Biblía Axweesantá Hhohho' ar Mungú 2004

²⁹ «Abrahamu iri oó', ‹Mose nee aaruuse i dayá'. Tidá' inooín ta kaahi ka iiárií qaasi.›

Ya/abtór hho' 1977

²⁹ “Abrahamu iri oó', ‘Musa nee aaruuse i dayá'. Tidá' inooín ta kaahi ka iiár i qaasi.’

Luka 16:29 Iomraidhean Croise

ISAYA 34:16

Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

Luka 4:17

Kuri kitaábuú aarusmo Isáyí haniís. Kitaábu guri gweér, dír aa gweér a dír taa /aymi'iikí gooín,

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »

Galatia 4:21

Kuungaásingá' awa hara'ayár sla'á' nuwa sa waawuti'ii'iin, án kuungá' nu yaahaás, kuungá' hara'aya gár i kat aga axasí'i?