Luka 16:22 - Biblía Axweesantá Hhohho' ar Mungú 2004

²² «Narkutmoodá' iri gwaá', malayke guri húp ay dír geeraá Abrahamu. Daqaarmoodá' iri gwaá' sleeme, kway foól.

Ya/abtór hho' 1977

²² “Narkutmoodá' iri gwaá', malayke guri húp ay dír geerá Abrahamu. Daqaarmoodá' iri gwaá' sleeme, kway foól.

Luka 16:22 Iomraidhean Croise

YOBU 21:13

Tan hoot ar diihhooa baraá slafingw'ín adaá wa ale, nari qatliyá' ar wayda, nari /e/eetiná' baraá gi'i.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

DAHARUSMO 8:10

Aníng múk tlákw una ár kuwa foliiti. Inooín a múk aa intsahhan amór doó Mungú kakango, nee kiri baraá gixsár wa xirfayeemiis, didá' tlakweema ngiwa tlehhahhitiyé'. Tí sleeme a tawór huwisha.

ISAYA 14:18

Waawitá sleémeero oo xoordu kuna foliít ar xirif, umuúqo waawutmoowo baraá /aantaarós.

ISAYA 22:16

‹Hariímaarók a milá diirihe? Heewók a heemá diirihe, tam /aantarók kari fól diirír gawaá tlooma? Dír hotaawók tari gawaá tlaa/a.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Matayo 8:11

Án a kah, múk yaariír ni hardah, oo da/aá daáhh nee /uwaawo. Inooín ta al iwiit dír muruú /ayma dinkwa nee Abrahamu nee Isaka nee Yakobo baraá waawuti'iimár dooriiwo.

Marko 8:36

Asma hee tam yaamu sleémeero ngi slaya, gár nguwa buiya' a milá bar slafiingós aa qwaár?

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

Luka 16:21

Inós muruú /aymaadá' gawaá meésár daqaarmoó wa paáhh, gun ilatleerumamiis nguwa /ayi. Sleeme seeaawe gun i burumburimaamít, gun inkahhi'i naatsatsiín.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 13:23

Eeharusmooko wák i deer, oo aa tlintii' gawaá da/eewaá Yesu. Inós an kudá' Yesu aa slaá'.

Yohana 21:20

Petro iri alií warqáy, eeharusmoodá' Yesu aa slaá' guri ár, naxés aa eeharín. (Inós an kudá' aa tlintii' gawaá da/eewaá Yesu qoomár muruú /aymár tsiindoowo. An kudá' aa oo', «Aáko, a heemá heedaádá' kuúng u sakií/?»)

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Yakobo 1:11

Asma tsee/amuú xaraásl sla/a gan da/aa/án, gari kahaas, /ayoorós iri hú', hhoohhooartós iri fák. Tam daqaarmo sleeme aqo in adoodár /oots iri qwaar baraá daawitimeerós sleémeerowo.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»