Luka 16:20 - Biblía Axweesantá Hhohho' ar Mungú 2004

²⁰ Narkutmooko ta bay Lasaro kun afkú do'ós i haahuuw, i inkahha'aá yaariír kón.

Ya/abtór hho' 1977

²⁰ Narkutmooko ta babay Lasaro kun afkuú do'ós i haahuuw, i inkahha'aá yaariír kón.

Luka 16:20 Iomraidhean Croise

YOBU 2:7

Neetlaangw iri didár geeraá AAKOÓ MUNGÚ wa tláy, Yobu guri slahh'eemiís ar inkahh'aá tlakw, inkahhi'iiká' slaqwa sleémeero ngina alti'iitiyé', iimír tsa/oó yaaér wa tleemu ay tan/ér saga.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

WARA'AMI 73:14

Tlaatla/aangw sleémeero tina muúx, nee tina slahh'eemiís umuúqo matlaatleero.»

ISAYA 1:6

Iimír tsa/oó yaaér wa oohang ay gawaá saga, slafiingw i kaahh baraadae, ala aqo har inkahhi'iidá' tseeru'umiitá', kudá' taa tseegiiká, laqaá kaa malhhasiiká, laqaá kaa dí/tár slikiiká.

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

Matayo 26:71

Petro iwa tsee/ií ti'iít, iwa dír afkú dó' i hardáh, dasír hatlá' guri aán. Dasiidá' mukko didaádí dirií' guri beér, «Heewí toomák i dinkwa nee Yesú Nasareti.»

Luka 16:19

Yesu iri oó', «Heeko wák i deer, oo daqaarmo. Inqwaruú i tsitatiiti a inqwaruú sirda/atén, nee taa tleéhh ar kitaánír hhohho'. Nee umuú deelooro muruú /aymár hhó' gun /aa/aay.

Luka 16:21

Inós muruú /aymaadá' gawaá meésár daqaarmoó wa paáhh, gun ilatleerumamiis nguwa /ayi. Sleeme seeaawe gun i burumburimaamít, gun inkahhi'i naatsatsiín.

Yohana 11:1

Heeko wák i tiiq, umuuwós a Lasaro. Inós a heé gixsár Betania, gixsadá' Maria i hot, nee hho'oorós Marta.

Tlehhema'aá ya/Abuuse 3:2

Heeko taqoormo iimír kuwa laqwaali kuri afkú Doó Mungú i áy, afkú do'dá' ta bay oo Hhoohhoó'. Heewí umuúqo deelooro kun gagaraarín didií ale, as ilahhooa ngiwa firirin dír mukdá' baraá Doó Mungú i daráh.

Yakobo 1:9

Hhiya' kudá' uroó koomaaká i qwalaa/i qoomár burku uráy hanmiis nee Mungú.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.